Túrkııanyń Antalıa qalasynda kúres túrlerinen jasóspirimder (U17) men jastar (U20) arasynda ótken «Victory Cup» týrnırinde Qazaqstannyń balýandary 8 altyn, 9 kúmis jáne 16 qola medal ıelendi. Barlyǵy – 33 júlde, dep jazady Egemen.kz.
Jasóspirimderdiń saıysynda grek-rım kúresinen Jańajol Qýanyshbek (51 kg), Asqar Nuráli (60 kg), Marlen Tólesh (65 kg), erkin kúresten Baqdáýlet Aǵabek (48 kg), Temirlan Murat (55 kg), Ádilet Rysbaı (71 kg), áıelder kúresinen Injý Baqqoja (46 kg), Baǵjan Qurmanbaı (73 kg) qarsylas shaq keltirmedi. Komandalyq esepte jerlesterimiz birinshi oryndy oljalady. Jastardyń jarysynda Ámirmuhammed Qabýlov (55 kg, grek-rım), Ashab Hadjıev (86 kg, erkin), Anna Strattan (57 kg), Uldana Tileýhan (68 kg, áıelder) jeńis tuǵyrynyń eń bıik satysyna kóterildi.
Grek-rım kúresinen Bishkekte tórt júlde aldyq