Astanada Qazaqstandaǵy Reseı Federasııasynyń mádenıet kúnderiniń ashylý saltanatynda aýqymdy gala-konsert uıymdastyryldy. Is-sharaǵa Memlekettik keńesshi Erlan Qarın, Premer-Mınıstrdiń orynbasary – Mádenıet jáne aqparat mınıstri Aıda Balaeva, Reseı Federasııasy Mádenıet mınıstriniń orynbasary Andreı Malyshev, sondaı-aq eki eldiń dıplomatııalyq korpýsy men shyǵarmashylyq zııaly qaýym ókilderi qatysty, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Gala-konsert baǵdarlamasynda búkilreseılik jáne halyqaralyq baıqaýlardyń laýreaty Sofıa Onopchenkonyń, bashqurttyń «Ay Yola» folk-tobynyń, «Saha (Iаkýtııa) Respýblıkasynyń mádenıet salasynyń úzdigi» qurmetti ataǵynyń ıegeri Olena Ýýtaıdyń jáne ózge de ónerpazdardyń horeografııalyq, aspaptyq jáne vokaldyq-aspaptyq nómirleri usynyldy. Sonymen qatar qalmaqtyń halyq mýzykasy men býrıattyń halyq ánderi shyrqaldy. Keshte Máskeý memlekettik akademııalyq «Gjel» bı teatry, Daǵystannyń eńbek sińirgen akademııalyq «Lezgınka» bı ansambli jáne Qalmaqııa memlekettik «Oıraty» bı teatry óner kórsetti.
Qazaqstan men Reseı mádenıet salasynda qandaı jobalardy júzege asyrmaq?
Aıta ketý kerek, Qazaqstandaǵy Reseı Federasııasynyń mádenıet kúnderiniń baǵdarlamasy eki el arasyndaǵy mádenı-gýmanıtarlyq yntymaqtastyqty odan ári nyǵaıtýǵa baǵyttalǵan mazmundy is-sharalardy qamtıdy. Osy kúni Qazaqstan Respýblıkasynyń Ulttyq mýzeıinde «Mádenı dástúrlerdi biriktirý jáne zamanaýı shyǵarmashylyq tájirıbeler: Qazaqstan men Reseıdiń mádenı yntymaqtastyǵy» atty dóńgelek ústel ótip, onda jańa birlesken jobalar talqylandy. Budan bólek, elordada Qazaqstandaǵy Reseı kınosynyń festıvali bastaldy. Festıval kórsetilimderi 26 sáýirge deıin jalǵasady. Al, mádenıet kúnderiniń ashylýyndaǵy eń basty oqıǵa Reseı ónerpazdarynyń gala-konserti boldy.
Astanada Reseı kıno-festıvali bastaldy
Osydan alty aı buryn Reseıde Qazaqstannyń mádenıet kúnderi tabysty ótken bolatyn. Onyń aıasynda kórermender Á.Qasteev atyndaǵy Ulttyq óner mýzeıiniń qorynan jasaqtalǵan «Qazaqstan óneriniń jaýharlary» kórmesimen tanysyp, Qazaqstan kınosy kúnderine qatysyp, sondaı-aq «Parasat maıdany» spektaklin tamashalady. Baǵdarlama Úlken teatrda uıymdastyrylǵan Qazaqstan ónerpazdarynyń gala-konsertimen aıaqtaldy. Memleket basshylarynyń qatysýymen ótken aıtýly oqıǵa mazmundy baǵdarlamasymen aıryqsha áser qaldyrdy.