Almaty oblysyndaǵy kólik tizgindegen jasóspirim 12 jastaǵy balany qaǵyp ketti. Bul aqparatty Almaty oblysynyń polısııa departamenti rastady, dep habarlaıdy Egemen.kz.
Zardap shekken balanyń týystary kóliktiń ishinde 11-synyptyń bes oqýshysy bolǵanyn aıtty. Olardyń biri apat ornynan kólikti jasyrý úshin ketip qalǵan.
Joǵary synyp oqýshylary balany shamamen 30-40 mınýt ustap otyrǵan. Olar ony qorqytyp, bolǵan jaıt týraly eshkimge aıtpaýdy talap etken. Keıin jasóspirimder zardap shekken balany mektepke ákelip, muǵalimge ony moped qaǵyp ketkenin aıtqan.
Jol apaty týraly habarlama túskennen keıin polıseıler júrgizýshini anyqtap, ustaý boıynsha jedel sharalar qabyldaǵan.
«Atalǵan fakti boıynsha JAC kóligin basqarǵan kámeletke tolmaǵan júrgizýshi anyqtalyp, jaýapkershilikke tartyldy. Sonymen qatar onyń ata-anasyna eki bap boıynsha ákimshilik shara qoldanyldy», delingen habarlamada.
Aqtaýda polısııa kóligi bir jarym jasar balany qaǵyp ketti
Qazirgi ýaqytta polısııa qajetti tergeý áreketterin júrgizip jatyr. Túpkilikti prosessýaldyq sheshim medısınalyq qorytyndy men zardap shekken balanyń aýrýhanadan shyqqannan keıin qabyldanady.
Eske sala keteıik, buǵan deıin Kókshetaýda júrgizýshi kýáligi joq adam basqarǵan kólik áıeldi qaǵyp ketip, ol oqıǵa ornynda qaza bolǵan edi.