Qazaqstanda bankrot dep tanylǵan azamattardyń 250 mlrd teńge qaryzy keshiriledi. Tólem qabilettiligin qalpyna keltirý rásimin 1 118 azamat paıdalanǵan. Bul týraly Memlekettik kirister komıtetiniń dármensiz boryshkerlermen jumys basqarmasynyń basshysy Merýert Sısembaeva málimdedi, dep habarlaıdy Egemen.kz.
Qazirdiń ózinde shamamen 65 myń azamat sottan tys rásim aıasynda bankrot dep tanylǵan. Memlekettiń esepten shyǵaratyn qaryz kólemi – 132 mlrd teńge. Al sot rásimi arqyly taǵy 632 adam bankrot dep tanyldy.
Elimizde bankrottyq rásimdeý tegin be, aqyly ma?
«Eki rásim boıynsha jalpy sany 66 600 adam bankrot dep tanyldy, olardyń 250 mlrd teńge qaryzy esepten shyǵarylýǵa jatady. Budan bólek, úshinshi rásim – tólem qabilettiligin qalpyna keltirý bar. Ol 1118 azamatqa qoldanyldy. Azamatqa tólem qabilettiligin qalpyna keltirý josparyn bekitý úshin eki aı ýaqyt beriledi», dedi Sısembaeva Senat kýlýarynda.
Sottan tys bankrottyq rásim jeńildetildi
Qazirgi tańda 402 adamǵa jospar bekitildi. Azamattar belgilengen keste boıynsha qaryzdaryn óteı bastady.
Eske salaıyq, 2024-2025 jyldary ádeıi bankrottyqqa qatysty 120 ákimshilik is jáne 44 qylmystyq is qozǵalǵan.