Rejep Taııp Erdoǵan búgingi kelissózder barysynda ekonomıkanyń túrli salalaryndaǵy yntymaqtastyq máseleleri jan-jaqty talqylanǵanyn jetkizdi, dep habarlaıdy Egemen.kz.
Sondaı-aq Túrkııa Prezıdenti eki eldiń iskerlik ortalary arasyndaǵy yqpaldastyqty arttyrý baǵytyndaǵy jumystar jalǵasa beretinin aıtty.
– Jibek jolynyń búgingi balamasy retinde Kaspıı arqyly ótetin Orta dálizdiń mańyzy kún sanap artyp keledi. Biz Qazaqstanmen jáne basqa da seriktesterimizben birge bul dálizdi taýar tasymalyn ilgeriletý úshin yntalandyrýdy jalǵastyramyz. Jerorta teńizinen Ortalyq Azııaǵa deıingi aýmaqta tilde, pikirde, iste birlik uranymen baılanystarymyzdy jańa deńgeıge kóterýge nıettimiz. Túrki áleminiń mádenı qazynalaryn, uly tulǵalardyń ıdeıalaryn, shyǵarmalary men rýhanı murasyn bolashaq urpaqqa amanattaýdy ortaq jaýapkershiligimiz dep bilemiz, – dedi Rejep Taııp Erdoǵan.
Aıta keteıik, Toqaev Túrkııa Prezıdentin «Qoja Ahmet Iаsaýı» ordenimen marapattady.