Tóraǵa jańa qyzmeti boıynsha túsinik berdi

Keshe Senattyń kezekti jalpy otyrysynda palata Tóraǵasy Qasym-Jomart Toqaev barsha qazaqstandyqtardy Ulystyń Uly kúni – Naýryz merekesimen quttyqtaı otyryp, atalǵan merekeniń táýel­sizdiktiń arqasynda jańa sıpatqa ıe bolǵandyǵyn erekshe atap ótti. Kún tártibine sáıkes depýtattar «1992 jylǵy 23-25 qarashada Kopengagende qabyldanǵan Ozon qaba­tyn buzatyn zattar jónindegi Monreal hattamasyna Túzetýdi já­ne 1997 jyl­ǵy 15-17 qyr­kú­ıek­­te Mon­real­da qabyldanǵan Ozon qabatyn buza­tyn zattar jó­nindegi Monreal hat­ta­masyna Túzetýdi ratıfıkasııalaý tý­­raly» zań jobasyn talqy­la­dy. Aty aıtyp turǵandaı, zańdyq qu­jat­ty qabyldaý elimiz kásip­oryn­daryna qar­jylyq jáne tehnı­kalyq kó­mek alýǵa, balama jáne neǵurlym qaýipsiz tehno­logııalarǵa kóshý kezinde shy­ǵyn­dardy azaıtýǵa múm­kindik beredi. Senatorlar Qor­sha­ǵan orta­ny qorǵaý mınıstri Nur­ǵalı Áshimov tanys­tyr­ǵan zań jo­ba­syn biraýyz­dan qabyldady. Jalpy otyrys barysynda son­daı-aq «Qazaqstan Respýblı­kasy­nyń keıbir zańnam­alyq aktilerine ruqsat berý júıesin jetildirý má­se­­leleri boıynsha ózgeris­ter men tolyqtyrýlar engizý tý­raly» zań jo­basy qaraldy. Atal­ǵan zań jo­ba­sy 5 kodeks pen 52 zańǵa ózgeris­ter men tolyq­tyrý­lar engizýdi kóz­deı­di. Budan basqa Senat «Lısenzııalaý týraly», «Etıl spırti jáne alkogol ónimi­niń óndirilýi jáne aı­­nalymyn mem­lekettik retteý tý­raly», «Tur­ǵyn úı qurylysyna úles­tik qatysý týraly», «Janýarlar dú­nıesin qorǵaý, ósimin molaıtý já­ne paıdalaný týraly» jáne «Qa­zaqstan Respýblıkasyndaǵy sáý­let, qala qurylysy jáne qury­lys qyz­meti týraly» zańdarǵa tıisti ózge­ris­ter engizýdi usyndy. Talqylaý nátıjesi boıynsha zań jobasy Senat engizgen ózgerister jáne to­lyq­tyrýlarymen Parlament Má­ji­li­sine jiberildi. Otyrys sońynan BUU Bas hat­­­shysynyń orynbasary ári atal­ǵan Uıymnyń Jenevadaǵy or­ta­ly­ǵy­nyń dırektory bolyp taǵa­ıyn­dal­ǵan Qasym-Jomart To­qaev osy jú­ıe­degi joǵary laýa­zy­myna qa­tys­ty buqaralyq aqparat qural­dary ókil­derine túsinik ber­di. Bul laýa­zym­ǵa bilikti dıp­lomatty Elbasy N.Nazarbaev óziniń BUU Bas hat­shysymen ke­lissóz bary­syn­da usyn­ǵan-dy. Eger Memleket bas­shy­synyń mun­­daı bedeli bol­ma­ǵanda, tıisti sheshim qabyl­dan­bas ta edi, degen oıyn bildirgen Se­nat Tór­aǵasy bul, sonymen qa­tar, Qazaq­stan­nyń halyqara­lyq are­na­daǵy be­deliniń ósip otyr­ǵan­dy­ǵyn aı­ǵaq­­taıtynyn aıt­ty. Son­daı-aq, El­basy­nyń 2010 jyly ótken Iаdro­lyq qarý­syzdaný jáne taratpaý jó­nindegi jahandyq sammıtke qaty­sýy, mańyzdy da tar­tym­dy oılar­dy ortaǵa salýy Qa­zaq­stan­nyń bul saladaǵy aıtar­lyq­­taı jetistikterin pash etti. Qa­sym-Jomart To­qaev osy­n­yń bar­ly­ǵy onyń BUU júıe­sin­degi joǵary laýazymǵa taǵaıyn­da­lýy­­na sebepshi bolǵandyǵyn basa aıtyp ótti. Asqar TURAPBAIULY.