Senim gramotasyn tapsyrdy

15 naýryzda Tehranda Qazaqstan elshisi B. Ámireev Iran Prezıdenti M.Ahmadınejadqa Senim gramotasyn tapsyrdy, dep habarlady QR SIM-iniń baspasóz qyzmeti. Saltanatty rásimnen keıin bolǵan pikir almasý barysynda M. Ahmadınejad Iran Qazaqstandy arada tereń tarıhı baılanystar ornyqqan, baýyrlas jáne dostas memleket retinde qarastyratyn­dyǵyn atap kórsetti. Ol Qazaq­stan men Iran eki eldiń múdde­si­men qatar, keń óńirlik seriktestik úshin iske asyrýǵa turarlyq orasan zor ekonomıkalyq áleýetke ıe, iri aımaqtyq derjavalar ekendigin basa kórsetti. Osyǵan oraı ol eki­jaq­ty qatynastardy nyǵaıtýǵa ba­ǵyttalǵan Qazaqstan Prezıdenti Nursultan Nazarbaevtyń talmas talpynystary úshin úlken alǵy­syn aıtyp, bul qatynas­tar­dyń bo­lashaqta da úzdiksiz jalǵasyn taba­tyndyǵyna úmit bildirdi. О́z kezeginde B.Ámireev Qa­zaq­stan árqashanda Irandy dás­túrli túrde tatý-tátti kór­shilik baı­la­nys­tar ornaǵan dostas mem­leket jáne mańyzdy árip­tes retinde qaras­tyratyn­dyǵyna toqtaldy. Qazaqstandyq dıplomat eki­jaq­ty ózara árekettestiktiń ma­ńy­z­dy máseleleriniń biri Kaspıı te­ńizi mártebesiniń túpkilikti sheshilýi jáne Ortalyq Azııa elderi men Iran arasyndaǵy saýda aına­ly­myn ulǵaıtyp qana qoımaı, so­ny­men birge, Taıaý Shyǵys aı­maǵy já­ne Parsy shyǵanaǵy memleketterin Reseımen jáne Eýropa elderimen tikeleı baılanys­tyrý­ǵa múmkindik týǵyzatyn О́zen – Gyzylgaı – Bereket – Etrek – Gorgan temir jo­lyn tezirek iske qosý ekendigin aıtty.