Ispanııanyń áıgili «Real» komandasynda óner kórsetken fransııalyq qorǵaýshy Jıýlen Fober mansabyn Qazaqstan premer-lıgasynda jalǵastyrýy múmkin. Bul týraly vesti.kz habarlady.
«Kardıff Sıtı» klýbynyń sport dırektory Alısher Apsalıamovtyń aıtýynsha, 33 jastaǵy fransııalyq qorǵaýshy «Altaı» ujymyna aýysýǵa jaqyn.
«Qazirgi ýaqytta Jıýlen Foberdiń transferi boıynsha aınalysyp jatyrmyz. Ol Fransııada, Anglııada 200-den astam oıynǵa qatysqan. Áıgili Madrıdtiń «Realynda» da óner kórsetken. Shyny kerek, endigi kezekte Qazaqstan premer-lıgasyndaǵy «Altaı» klýbynda baq synap kórgisi keledi. Biraq ázirge kelissózder jaıly tolyqtaı aıta almaımyn», – dedi Apsalıamov.
Aıta keteıik, ıspanııalyq klýb Foberdi «Vest Hemnen» 2009 jyldyń qańtar aıynda 1,5 mıllıon eýroǵa jalǵa alǵan. Sonymen qatar, ol Fransııanyń «Kann», «Bordo», Túrkııanyń «Elıazygspor» klbýtarynda oınaǵan.