«Qazaqstandyq vagon jasaý zaýyty» jekeshelendirýdiń ekinshi kezeńi sheńberinde 1,8 mlrd teńgege satyldy, dep habarlaıdy Elektrondy saýda alańyna silteme jasaǵan abctv.kz.
Saýdaǵa kásiporyn úlesiniń 78,4%-y qoıylǵan bolatyn. Saýda baǵany tómendetý ádisi boıynsha júrgizildi. Satýshy – «Qazaqstan temir joly» (QTJ). Bastapqy baǵasy 2,9 mlrd teńge bolǵan lottyń quny 1,8 mlrd teńgege tómendedi.
ALB Company baǵalaýshy kompanııasynyń málimeti boıynsha, 2016 jyldyń 1 sáýirindegi jaǵdaı boıynsha kásiporynnyń baǵalanǵan quny 1,5 mlrd teńge bolǵan edi.
«Qazaqstannyń vagon jasaý zaýyty» Pavlodar oblysyndaǵy Aqsý qalasynda oryn tepken. Onda 481 adam eńbek etedi. Kompanııa 2008 jyly «Taman» vagon jóndeý deposynyń negizinde quryldy. Kásiporyn QTJ-ny júk vagondarymen qamtamasyz etedi.