Kúsheıtilgen rejimde jumys istedi

«Qazaqstan temir jo­ly» UQ» AQ basshysy Qanat Alpysbaev qys mezgilinde temir jol kóliginiń júrisi men jolaýshy tasymalynyń qalypty qyzmet atqa­rýyn qamtamasyz etý týraly selektorlyq jı­nalys ótkizdi. Qys bastalǵaly beri aýa raıy­nyń qolaısyzdyǵy Qazaq­stannyń barlyq aı­maq­tarynda tótenshe jaǵ­daılar týdyrdy. Qar kósh­kini, burqasyn, qatty jel, kóktaıǵaq kúrdeli kólik problemalaryna alyp keldi. Birneshe ushaq saparlary keıinge shegerilip, kólik joldary jabyldy. Jeltoqsan aıy ishinde respýblıkalyq mańyzy bar joldardyń 156 jabylý oqıǵasy tirkeldi. Jańa jyldyń 5 kúninde kólik qozǵalysyna 50 ret shekteý qoıyldy. Keıbir jol telimderinde onda­ǵan kólik, júzdegen adam qar tutqynynda qalyp qoı­dy. Aýa raıynyń kúrdeli jaǵdaıynda temir jol qoz­ǵalysy baıaýlaǵan joq, bir­qalypty jumys istedi. Bul kezeńde poıyz kóliktiń eń qol­jetimdi jáne qolaıly túri bolyp, jolaýshylar aǵy­­nynyń edáýir ósimine ákel­di. Jolaýshylar sany ja­ńa­jyl­dyq merekeler kezin­de ana­ǵurlym ósti. Aýa raıy­nyń kúrdeli jaǵdaıynda temir jol kesheniniń qalypty qyz­me­tin qamtamasyz etýge «QTJ» UQ» AQ kóp kóńil bóledi. «Barlyq qyzmetter kú­sheı­tilgen, aıryqsha ju­mys tártibine kóshirildi. Qaýipsiz jáne úzdiksiz tasy­maldy qamtamasyz etý bo­ıyn­sha barlyq sharalar qol­danylýda», – dedi Q.Al­pys­­baev óziniń sózinde. Jel­toqsannyń sońǵy on kúninde jáne qańtardyń basynda kóbinese uzyn quramdy jolaýshylar poıyzdary ju­mys istedi. 44 jolaýshylar poıyzyna qosymsha 500 vagon, keıbir kúnderi tipti 7200 oryn syıymdylyǵy bar 80-ge jýyq qosymsha vagondar tirkelgen. «Jolaýshylar tasymaly» AQ prezıdenti N.Qılybaıdyń aıtýynsha, 50 myńnan astam jolaýshy qar qursaýynan shyǵarylǵan. О́tken jyldyń jeltoqsanynda 2 mln-nan astam jolaýshy tasymalda­nyp­ty. Bul – 2015 jyldyń jeltoqsan aıymen sa­lys­­tyrǵanda 100 myń adamǵa kóp. Jeltoqsan aıynan beri qaraı tutastaı alǵanda 746 myń tekshe metr qar shyǵa­rylyp, 81 myń km temir jol tazalanǵan. Selektorlyq jınalys kezinde Aqmola, Qaraǵandy, Pavlodar jol bólimsheleriniń jetekshileri aýa raıynyń kúrdeli jaǵ­daıyn­da tasymaldy qam­tamasyz etý baǵy­tynda qol­danylyp jatqan sharalar týraly málimdedi. Al kompanııa basshysy Q.Alpysbaev qosymsha tirkemelerdi is­ke asyrý úshin jolaýshy vagon­darynyń tolyq rezervin paıdalaný kerektigi jaıynda tapsyrma berdi. Arnur ASQAR, «Egemen Qazaqstan»