«Shákárim» medali

aqyn beınesin somdaǵan maıtalmannyń tósinde Abaı teatrynyń beldi akteri, Qazaqstannyń halyq ártisi Beken Imahanov Qurmanǵazy atyndaǵy konservatorııanyń akterlik fakýltetin bitirgen. 1959 jyldan Semeı oblystyq mýzykalyq drama teatrynyń sahnasynda óner kórsetýde. Teatr sahnasynda Aqan seriden bastap tartyp, keıinnen Qara Qypshaq Qobylandynyń, Baýyrjan Momyshulynyń, Abaıdyń, Shákárim qajynyń beınelerin aıshyqtap somdaı bildi. О́miriniń 60 jylǵa jýyǵyn ónerge arnap, teatrda 200-ge tarta obrazdy sahnalady. Beken Imahanovtyń 80 jyldyq mereıtoıynda  oblystyq mádenıet, arhıvter jáne qujattama basqarmasynyń bastyǵy Azamat Muhamedchınov oblys ákimi Danıal Ahmetovtiń arnaıy  quttyqtaýyn jetkizdi. Sahna sańlaǵyna basqa da iltıpatty lebizder molynan aqtaryldy. Siz sahnada turǵanda sózdiń qudiretin biletin­di­gińiz erekshe. Sizdiń sózge degen yntańyz, sóz­ge degen jaýapkershiligińiz óte jo­­ǵary, – dedi respýblıkalyq «Abaı» qo­ry­­nyń prezıdenti Otantaı Káripjanov. – Kó­rermen kóńilinen shyqqan  qazaq fılmderi neken-saıaq. «Qyz Jibek», «Jaýshy» sııaqty keremet kınolardyń qataryn jalǵastyratyn «Shá­ká­rimniń sońǵy kúzi» fılminde Shákárim qa­­jyny somdaǵan Qazaqstannyń halyq ártisi Beken Imahanov aǵamyzdyń eńbegi aıryqsha deý­ge bolady. Semeıdiń Abaı atyndaǵy qazaq mýzy­ka­lyq dra­ma teatrynda eńbek etip kele jatqan, bú­gingi býyn jastarǵa aqylshy aǵa bola bilgen teatr tarlany, sahna sańlaǵy Beken aǵamyz jaı­ly qansha aıtsaq ta artyq emes ekendigi ras, –  dep ıgi tilegin arnady ǵalym, professor Arap Espenbetov. – Qaraýyldaǵy qarapaıym qazaq otbasynda ómirge kelgen aǵamyz búginde bizdiń maqtanyshymyz. Qazaq atamyz sonaý jaýgershilik zamanda «Has batyrǵa oń, soly bolmaıdy» dep beker aıtpaǵan ǵoı. Sol sııaqty, Beken aǵamyzdyń da, meıli komedııa, tipti tragedııa bolsyn, qaı janrda da kórermenin birden baýrap, júregine jol taýyp alatyn  tamasha qasıeti bar. Mereı­toıy­ma el bolyp, atsalysyp jat­qan­daryńyzǵa rahmet, – dedi Beken Imahanov. – Ról­derdi jaqsy-jaman, basty nemese kishi dep ji­lik­tep-jikteý qatelik der edim. Keıbir sha­ǵyn beınelerdiń  ózi jarq etip, halyq esinde uzaq saqtalyp qalady. Men úshin oınaǵan ról­derimniń bári qymbat. Degenmen, men Abaı teatrynyń sahnasynda júrip, osy teatr­da qoıylǵan pesalardaǵy aqyndar men ba­tyrlardyń kóptegen kórkem beınelerin som­daǵanym úshin qýanamyn. 1967 jyly Aleksandr Bektiń «Volokolam tas jolyndaǵy» B.Momyshulynyń beınesin sátti shyǵarǵany  úshin Beken aǵa  Qazaqstannyń eń­bek sińirgen ártisi ataǵyna ıe bolady. Teatr tarlany keıingi kezde M.Áýezovtiń «Qaragózinde» – Jarylǵap, «Aıman-Sholpa­nyn­da» – Maman, T.Ibragımovtiń «Jas Abaıy­nda» Qunanbaı rólderin somdap, qazaq óne­rin bıik tuǵyrǵa shyǵaryp júr. Jınalǵan halyqtyń yqylasynda shek bolmady. О́ner sańlaǵyna «Shákárim» medali tabys­taldy. Jıynda oblys pen qala teatrlarynyń ártisteri Beken aǵamen birge halyqqa túrli qoıylymdar kórsetip, kózaıym etti.  Raýshan Nuǵmanbekova, jýrnalıst SEMEI