«Real» fýtbol klýbynyń jáne Portýgalııa ulttyq quramasynyń shabýylshysy Krıshtıaný Ronaldý FIFA (Halyqaralyq fýtbol federasııasy) nusqasy boıynsha 2016 jyldyń úzdik oıynshysy atandy.
Saltanatty kesh Shveısarııanyń Sıýrıh qalasynda ótti. Bul básekede ol «Barselonanyń» shabýylshysy Lıonel Messı men «Atletıkonyń» forvardy Antýan Grızmannan basym tústi.
О́tken jyly 31 jastaǵy fýtbolshy koroldik klýb sapynda Chempıondar lıgasyn jáne klýbtar arasyndaǵy álem chempıonatyn jeńip alsa, Portýgalııa quramasymen Eýropa chempıony atanǵan.
Marapat ıesi ulttyq quramalar kapıtandarynyń, bas jattyqtyrýshylarynyń jáne jýrnalısterdiń daýys berýi arqyly anyqtaldy. 2010-2015 jyldar aralyǵynda FIFA men France Football birigip, jyldyń úzdik oıynshysyn tańdaǵan. Syılyq «FIFA-nyń Altyn doby» dep atalǵan. Biraq 2016 jyldyń qyrkúıek aıynda eki tarap áriptestigin toqtatatyny belgili boldy.
Sonymen qatar, Krıshtıaný Ronaldý birer aı buryn France Football basylymynyń úzdigi atanyp, «Altyn dop» júldesine qol jetkizgen.