QR Premer-Mınıstri Baqytjan Saǵyntaev Úkimet otyrysynda mınıstrlikterge azamattardyń kelgen jerinde ýaqytsha tirkelý normalary men erejeleri týraly aýqymdy túsindirý jumystaryn júrgizýdi tapsyrdy.
«Qazir qoǵamda, buqaralyq aqparat quraldarynda azamattardyń ýaqytsha tirkelýine qatysty taqyryp belsendi túrde talqylanýda. Halyqtyń kókeıinde júrgen suraqtary kóp, al aqparat jetkiliksiz. Halyqqa qyzmet kórsetý ortalyqtarynda kezek kóbeıgen», – dedi B. Saǵyntaev.
Premer-Mınıstr QR IIM-ine QR AKM-men birlesip jańashyldyqty túsindirý boıynsha aýqymdy aqparattyq jumystar júrgizýdi jáne tirkeý sharasyn barynsha jedel júzege asyrýdy tapsyrdy.
B. Saǵyntaev azamattarǵa ózderi úshin qolaıly ýaqytta tirkelýge múmkindik berý kerektigin jáne HQKO-da jumys isteıtin terezeler sanyn, qyzmet kórsetetin operatorlar sanyn barynsha kóbeıtý kerektigin atap ótti.