Amerıkalyq Goldman Sachs ınvestısııalyq bankiniń sarapshylary AQSh Federaldy qorynyń bazalyq ústemeni kóterý múmkindigimen baılanystyrady.
2017 jyly dollardyń ózindik quny eýromen teńesýi múmkin, dep málimdedi atalǵan banktiń bas ekonomısi Iаn Hatsıýs.
Bank sarapshylarynyń pikirinshe, AQSh Federaldy qorynyń shilde, qyrkúıek, jeltoqsandaǵy jıynynda dollardyń bazalyq ústemesi kóterilip, bul óz kezeginde dollardyń ózindik qunynyń kóterilýine alyp kelmek.
Eger dollardyń quny eýromen teńesetin bolsa, onda Eýropalyq bankterdegi dollardyń úlesi de kóbeıe túsetini týraly joramal bar.
Iаn Hatsıýs sózine sensek, Eýropa ortalyq banki 2019 jylǵa deıin eýronyń bazalyq ústemesin kótermeıdi. "Munda basty qozǵaýshy kúsh paıyzdyq ústeme arasyndaǵy aıyrmashylyq emes, valıýtanyń ózindik quny", - deıdi ekonomıst.
Sonymen qatar, aldaǵy jazda Brıtanııa Eýroodaqtan shyǵatyn bolsa, eýronyń quny da azdap quldyraıtyny týraly pikir aıtylýda.
Esterińizge sala keteıik, 2016 jyldyń jeltoqsanynda ótken AQSh Federaldy qorynyń otyrysynda dollardyń bazalyq ústemesi 0,25−0,5 paıyzdan 0,5−0,75 paıyzǵa kóterilip, 2017 jyly taǵy da úsh ret kóteriletini týraly sóz bolǵan edi. Nátıjesinde, bıyl dollardyń bazalyq ústemesi ortasha eseppen 1,375 paıyzǵa ósýi yqtımal.