2012 jyldan bastap jastar saıasaty jáne jastardyń resýrstyq ortalyǵy máseleleri jónindegi basqarmalar jumys isteıdi. Bul týraly kezekti Úkimet otyrysynda QR din isteri jáne azamattyq qoǵam mınıstri Nurlan Ermekbaev málimdedi.
Jastar saıasaty salasynda júrgizilip jatqan jumystar Qazaqstanǵa 183 el baǵalanǵan Global Youth Development Index 2016 - Jahandyq jastardy damytý ındeksinde 61 pozısııany ıelenýge múmkindik berdi.
Sonymen qatar, saraptamalyq baǵalaýlar men usynystardy eskere otyryp, ári qaraıǵy jumysty bes negizgi baǵyt boıynsha uıymdastyrý josparlanǵan.
Birinshisi. Aýyl jáne qala jastarynyń arasyndaǵy múmkindikterdiń aıyrmashylyǵyn tómendetý, jastardy áleýmettendirý, olardyń bos ýaqytyn uıymdastyrý boıynsha jumystardy jalǵastyrý. Osyǵan baılanysty jalpyulttyq jastar qozǵalysy jobasyn ázirleý usynylady, onyń negizgi baǵyttary: volonterlikti, sporttyq jáne shyǵarmashylyq jetistikterdi, eńbek daǵdylaryn damytý.
Sonymen qatar kóshelerdegi qarapaıym sporttyq jaraqtar jelisin (vorkaýttar), aýla klýbtary men jastardy jappaı sportqa jáne shyǵarmashylyqqa tartýdyń basqa da az shyǵyndy túrlerin arttyrý qajet. Mundaıda memlekettik-jekeshelik áriptestik tetikterin belsene paıdalanǵan jón.
Ekinshi baǵyt – «áleýmettik lıftilerdi» damytý. Atap aıtqanda, jastardy belsene tartýmen áskerı qyzmettiń abyroıyn arttyrý boıynsha jumystar atqarý qajet. «Áleýmettik mobıldilikti» arttyrýdyń basqa tetigi – shyǵarmashylyq birlestikter men odaqtar, olar naǵyz daryndardy anyqtap, olardyń ósip-jetilýine yqpal etýi tıis.
Sonymen qatar, «Daryn» memlekettik jastar syılyǵyn jyl saıynǵy negizde berý máselesin pysyqtaý usynylady. Soǵan baılanysty, óńirlerde aqparattyq nasıhattaý jumystaryn aýqymdy túrde júrgizip, jastarǵa ózderin jáne óz daryndaryn kórsetýge kómek berý kerek, dep habarlady Premer-Mınıstrdiń resmı saıty.
Úshinshi baǵyt – jas otbasylarǵa qoldaý kórsetý aıasynda – kóktemniń bir kúninde elimizdiń barlyq mektepterinde bir ýaqytta, ata-analarǵa arnap, tájirıbeli psıhologtar men ózge sala mamandarynyń shaqyrylýymen «Otbasy saǵaty» atty jalpyulttyq aksııa ótkizý usynylady.
Júrgizilip jatqan jumystyń tórtinshi baǵyty - jastarmen jumys isteıtin memlekettik apparattyń kadr áleýetin arttyrý. Osy oraıda, jańa mindetterdi esepke alǵanda, jastardyń resýrstyq ortalyqtarynda ádistemelik baza jańartylatyn bolady. Budan ózge, «Jastar» ǵylymı-zertteý ortalyǵy jastarmen jumys isteıtin mamandarǵa arnalǵan oqytý semınar-trenıngterin ótkizýdi jalǵastyrady.
Júrgizilip jatqan jumystyń sońǵy baǵyty – vedomstvoaralyq úılestirýdi kúsheıtý. Soǵan baılanysty bıylǵy jyldyń birinshi toqsanynda Prezıdent janyndaǵy Jastar saıasaty keńesiniń otyrysyn ótkizý usynylady. Budan ózge, barlyq memlekettik organdarǵa Jastar uıymdaryn damytý jónindegi úılestirý keńesiniń jumysyna belsendi túrde qatysý usynylady. Sondaı-aq, jastardy tolǵandyratyn ózekti máselelerdi qarastyryp, sheshimin tabatyn, óńirlik Jastar isteri jónindegi keńesterdiń jumysyn jandandyrý kerek jáne Úkimet otyrystarynda jastarmen jumys jónindegi jobalardyń iske asyrylý barysy týraly esepti júıeli túrde tyńdap otyrý qajet.