30 naýryzda Aýǵanstannyń Haıraton qalasynda 79 vagon mólsherindegi gýmanıtarlyq kómektiń birinshi quramyn jetkizý resmı rásimi ótti. Sharaǵa aýǵan tarapynan Haıraton qalasynyń basshysy Kazı Nadjıbýlla, syrtqy saıasat vedomstvosy, Aýyl sharýashylyǵy mınıstrligi men tótenshe jaǵdaılar jónindegi agenttiktiń ókilder, Qazaqstannan – Tótenshe jaǵdaılar jónindegi mınıstrliktiń qyzmetkerleri men dıplomattar qatysty.
О́z sózinde Haıraton qalasy ákimshiliginiń basshysy Qazaqstan Úkimetine kórsetken kómegi men Aýǵanstandaǵy qıyn jaǵdaıǵa osynshama nazar aýdarýyna oraı alǵysyn bildirdi. K.Nadjıbýlla bul bizdiń elimizden attandyrylǵan gýmanıtarlyq júktiń ekinshi legi ekendigin eske saldy. 2010 jyly Qazaqstan Úkimeti Aýǵanstanǵa 6 myń tonna kúrish jóneltken bolatyn.
Aýǵanstan halqyna gýmanıtarlyq kómek kórsetýge baǵyttalǵan Qazaqstan Respýblıkasy Úkimetiniń sheshimine sáıkes Tótenshe jaǵdaılar jónindegi mınıstrlik naýryz aıynyń ortasynda Haıraton qalasyna 4 897 tonna kúrish jóneltkeni belgili, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti.