Almatyǵa Ýnıversıadaǵa qatysýǵa Halyqaralyq stýdentter Halyqaralyq stýdentter sporty federasııasynyń (FISU) prezıdenti Oleg Matysın keldi, dep habarlaıdy QazAqparat. Mártebeli meıman Almatyǵa tańerteń keldi. Ony áýejaıdan Almaty qalasy ákiminiń orynbasary Arman Qyryqbaev pen Ýnıversıada dıreksııasynyń dırektory Naıl Nýrov qarsy aldy.
Oleg Matysın FISU-diń atqarý komıteti ótkizetin qorytyndy jınalysqa qatysý úshin Almatyǵa álemdik stýdentter saıysynyń saltanatty ashylýynan buryn kelip otyr. Almatynyń Ýnıversıadaǵa daıyndyǵy týraly pikir bildirgen Oleg Matysın FISU-men etene baılanysýdy talap etetin mundaı aýqymdy sharany uıymdastyrýdyń qıynshylyqtaryn aıta ketti. FISU prezıdenti óz sózinde oıyndarǵa daıyndyq barysynda ózi jáne FISU músheleri Almatyǵa tekserýshi emes, tutas bir komandada jumys jasaıtyn toptyń músheleri retinde kelgenin jetkizdi.
«Bilim, sport, mádenıet búginde álemge turaqtylyq pen damý, serpilis beretin sala», - dedi FISU Prezıdenti. Sondaı-aq sóziniń qorytyndysynda ol «sport - beıbitshiliktiń elshisi» ekenin jetkize otyryp, sózin qorytyndylady.
Aıta keteıik, Oleg Matysın FISU-dyń basshylyǵyna 2015 jyldyń qarasha aıynda saılandy. Oǵan deıin ol FISU birinshi vıse-prezıdenti qyzmetin atqardy.