Yrǵaq pen sezim toǵysqanda

Kórme adamnyń álemdi qabyldaý shekaralaryn zerdeleıdi. Adam men tabıǵat, tiri men óli, kórinetin men kórinbeıtin, dos pen qas syndy úırenshikti jikteýlerden bas tartýǵa úndeıdi.

Is-sharanyń saltanatty ashylýynda sóz sóılegen Ulttyq mýzeı dırektorynyń ǵylymı jumystar jónindegi orynbasary Aqmaral Ibraeva kórme kórermenge erekshe áser syılap, adam men tabıǵat arasyndaǵy baılanysty tereńirek túsinýge múmkindik beretinin atap ótti.

«Qazirgi álem jahandyq óz­gerister men jańa syn-qaterler kezeńin bastan ótkerip otyr. Osyndaı ýaqytta óner adamzattyń tabıǵatpen, tehnologııamen baılanysyn tereńirek túsinýge múm­kindik beretin biregeı keńistikke jol ashady. Hvan Sondjonnyń shy­ǵarmashylyǵy da dál osy ózara baılanysty jańa qyry­nan paıymdaýǵa shaqyrady. Mun­daı jobalar Qazaqstan men Ko­reıa arasyndaǵy mádenı yntymaq­tastyqty nyǵaıtyp, zamanaýı óner salasyndaǵy halyqaralyq dıalogtiń damýyna yqpal etedi dep senemin», dedi Aqmaral Ibraeva.

Keıingi bes jyl boıy avtor tabıǵat yrǵaqtaryna, adamnyń qorshaǵan ortamen ózara áreket­tesýine negizdelgen shy­ǵarmalar arqyly «Tanhamu» atty kórkem tujyrymdamasyn damytyp keledi. Onyń jumysynda adam men ózge tirshilik ıeleri dene, tabıǵat, tehnologııa jáne ekologııa arasyndaǵy úzdiksiz ózara yqpaldastyqta álemdi qalaı birge sezine alatyny zertteledi. Avtor shyǵarmalarynda álemge «biz bul planetada bir-birimizdi qalaı sezine alamyz? Bizdi qandaı yrǵaqtar men tynys biriktiredi?» degen saýal qoıady.

Koreıa Respýblıkasy elshili­gi Koreı mádenı ortalyǵynyń basshysy Ký Bon-chol eki el ara­syndaǵy mádenı baılanystyń odan ári damı beretinine toqtaldy. Al kórme avtory Hvan Sondjon Ulttyq mýzeıge, Koreı mádenı ortalyǵyna jáne barlyq qatysý­shylarǵa alǵys aıtty.

«Men óz shy­ǵar­mala­rymda mı­selıı je­li­le­rin, neı­rondyq júıe­lerdi, eko­logııalyq úde­risterdi kóbine metafora retin­de emes, oılaý tá­sili retinde qaras­ty­ramyn. Olar aqyl, jady men seziný bir ǵana tirshilik ıesine tıesili emes, kerisinshe baılanystar arqyly taralatynyn kórsetedi. Kórmeni tamashalaǵanda siz­der tek qaraýmen shektelmeı, tyńdap, sezinip, bálkim óz qabyldaýyńyzdaǵy názik óz­geristi baıqaısyzdar dep úmit­tenemin. Sebebi bizdi baılanys­tyratyn nárse – tolyq túsinikti bolmasa da, birge sezinýge bolatyn qubylys bolýy múm­kin», dedi sýretshi.

Sóz sońynda Hvan Sondjon jınalǵan kópshilikke vızýaldy ári dybystyq kompozısııasyn usyndy.

Jalpy, kórme ekspozı­sııasynda onnan asa beıne, dybys, qozǵalys jáne vızýal­dy ob­razdardy biriktiretin mýl­tı­­sensorlyq keńistik retin­de­gi týyndy usynyldy. Avtor ıns­tallıasııalar men dybystyq kom­pozısııalar arqyly tabı­ǵat yrǵaqtaryn sezinýge múm­kindik beretin erekshe orta qalyp­tastyryp, kórermendi plane­talyq ekojúıedegi barlyq ele­ment­terdiń ózara baılanysy týra­ly oılanýǵa shaqyrady.

Kórme 24 mamyrǵa deıin sozylady.