Údemeli ındýstrııalandyrý esebinen

Oblystyń jetekshi kásip­oryn­dary byltyr ındstrııa­lan­dyrý kartasy aıasynda 26,9 mıllıard teńgeniń 13 ınvestısııalyq jobasyn ıgerdi. Nátıjesinde 1145 jańa jumys orny quryldy. Aımaq basshysy Serik Bilálovtiń tóraǵalyǵymen ótken jıynda  osy salanyń jumysy qorytyn­dy­lanyp, aldaǵy mindetter belgilendi. Serik Sultanǵazyuly  aýyr máshıne jasaý salasynda 35 zaýyt jumys isteıtinin, olarda 3 myńǵa jýyq adam eńbek etetinin aıta kelip, údemeli ındýstrııa­lyq-ınnovasııalyq damý baǵdar­la­masy boıynsha alda qyrýar ister kútip turǵanyn jetkizdi. Basty problemanyń biri retinde joǵary bilikti jumysshylar men mamandardyń tapshylyǵyn ata­dy. Aýyr máshıne jasaý zaýy­ty­nyń  Soltústik Qazaqstan memlekettik ýnıversıtetimen tyǵyz baı­lanys ornata otyryp, kadr­lar daıyndaýdaǵy tájirıbesin úı­rený qajettigin úlgi etti. Basqosýda sóz alǵan «Qazaq­stan ınjınırıng» aksıonerlik qoǵamynyń prezıdenti Bolat Sma­ǵulov  kompanııa quramyna Qy­zyljar óńirinen 4 kásiporyn engeli turaqty ósimge qol jetkizgenin tilge tıek etti. Olardyń tap­syrystar portfeli 18 mıllıard teńgeni qurap, jyl ótken saıyn ónim óndirý kólemi artyp keledi, dedi ol. «ZIKSTO» AQ elimiz úshin ındýstrııalyq damýdyń múl­dem jańa baǵyty – júk vagon­da­ryn qurastyrýdy tańdap aldy. О́t­ken jyly astyq tasymaldaýǵa ar­nalǵan vagon-hopperdiń eki tú­rin synaqtan ótkizse, bıyl onyń sanyn eki ese kóbeıtýdi josparlap otyr. Zakazdar da qomaqty – 4,5 mıllıard teńgege jeteǵabyl. Zaýyttyń jylyna 600 vagon shy­ǵarý múmkindigi bar. 200-den astam vagon  kórshiles elderge jó­nel­til­gen. Sol sııaqty «Munaı­mash, Kırov atyndaǵy  kásip­oryn­dar da ha­lyqaralyq standartqa  saı keletin básekege qabiletti ónim­der shyǵarý­dyń joldaryn qarastyryp otyr. О́mir ESQALI. Soltústik Qazaqstan oblysy.