Et óndirýshiler eńbekterin eseleı túspek

Taıaýda Astanada et jáne sút óndirýshilerdiń II forýmy bolyp ótti. Ony uıymdastyrýshy – «Qazaq­stannyń et-sút odaǵy» jeke kásip­kerler men zańdy tulǵalardyń as­sosıa­sııa túrindegi birlestigi. Forým ju­my­syna Aýyl sharýashylyǵy mınıstri Aqylbek Kúrishbaev, ózge de memlekettik organdar men uıymdardyń ókil­deri, sol sııaqty bıznes qury­lym­dar men sheteldik meımandar qatysty. Forým et jáne sút bıznesin damytý úshin tuǵyrnama bolý maqsatyn kózdeı­di. Osy turǵyda kásipkerler bir-biri­men kezdesip, Aýyl sharýashylyǵy mınıstrligi basshylyǵyna ózderin tol­ǵan­dyratyn saýaldaryn qoıý, sondaı-aq iskerlik baılanystar ornatý múmkin­di­gine ıe boldy. Onyń syrtynda bas­qo­sý­ǵa qa­tysýshylar qazaqstandyq ónim­­der­di ja­qyn jáne alys shetel­der­diń ry­nogyna shyǵarý joldaryn da qaras­tyrdy. Qazaqstannyń barlyq oblys­tary­nan kelgen óndirisshiler men óńdeý­shi­lerdiń 200-den astam ókilderi qatysqan forýmda basqarma tóraǵasy Ivan Saýer Qazaqstandaǵy mal sharýashylyǵyn da­mytýdyń qazirgi jaǵdaıy men bola­shaǵy týraly baıandama jasady. Otandyq et eksportynyń kólemin arttyrý jóninen asa aýqymdy mindetter belgilenip otyrǵan qazirgi kezde mundaı is-sharanyń mańyzy aıryqsha arta túspek. Soǵan oraı «QazAgro О́nim» aksıonerlik qoǵamynyń bas­qarý­shy dırektory Aıgúl Ahmetjanova  qazaqstandyq et óndirisin damytý jobasynyń tusaýkeserin jasady. Jıynǵa qatysqan Qazaqstannyń et-sút odaǵynyń músheleri jobaǵa qoldaý kórsetip, ony júzege asyrýǵa belsendi atsalysatyndaryn bildirdi. Forým qorytyndysynda arnaıy qa­rar qabyldanyp, odaqtyń orta merzimge arnal­ǵan is-qımyldar baǵdarlamasy belgilendi. Sóz sońynda odaqtyń tuńǵysh ret osy­dan bir jyl buryn Qazaqstannyń et odaǵy retinde qurylǵanyn, alǵa­shynda onyń qu­ryltaıshylary altaý bolǵanyn aıta ketý kerek. Búginde bul san 105-ke jetip otyr. О́tken jyldyń naýryz aıyn­da ón­di­rý­shiler men óńdeýshilerdiń birinshi fo­rý­my bolyp, onda tabıǵı sút óndi­rýmen jáne óń­deýmen aınalysatyn kásip­ker­lerdiń odaq quramyna ótýine baıla­nys­t­y uıym­­nyń ataýy da Qazaqstannyń et-sút odaǵy bo­lyp ózgertildi. Joǵaryda aıtyp ótke­nimizdeı, Ivan Adamovıch Saýer odaqtyń basqarma tóraǵasy, al Isa Ábjappar Úki­baı­uly atqarýshy dırektory bolyp tabylady. S.ALMASOV.