Qatar kórmege qatysady

«Astana EKSPO-2017» ulttyq kompanııasy» AQ basqarma tóraǵasy Ahmetjan Esimov Qatar memleketi ulttyq seksııasynyń komıssary Ahmed Alı Ál-Tamımımen kezdesti. Basqosý barysynda qos tarap Astanada ótetin halyqaralyq sharaǵa qatysý kelisimshartyna qol qoıdy.  Jıynda Ahmetjan Esimov ult­tyq kompanııa ókilderi kór­­­mege qatysýshylarǵa pa­­vı­l­ondar tapsyrý ju­mys­taryn qarqyndy júr­gi­z­ip jat­qandyǵyn atap ótti. Bú­gin­gi tańda halyqaralyq qa­ty­sýshylarǵa 13 pavılon tap­­syrylǵan. Olardyń qa­ta­ryndaǵy BAÁ men Ior­da­­nııa syndy memleketter p­a­vılondarynyń ishki dızaınyn árleý jumystaryna ki­risip ketti. Qatar mem­le­ke­ti­niń Qazaqstan Respýb­lı­ka­syn­daǵy tótenshe jáne ókiletti el­shisi ári kórme komıssary óz pavılondaryn kórip, at­qarylǵan jumys sapasy­na rızashylyǵyn bildirdi. «Biz sońǵy kezderi joǵary deń­geı­li kóptegen sharalarǵa qa­tysýǵa tyrysamyz. Tipti, 2012 jylǵy Iosýda ótken EKSPO-da qola júldeger atan­­dyq. Sondyqtan, kórme qo­­naqtaryn meılinshe tań qal­­dyramyz degen úmittemiz. Qa­tar pavılony úzdikterdiń qa­tarynda bolary anyq. Al memleketimizdiń ulttyq kúni ótkende elimizden joǵary laýyzymdy tulǵalar keletin bolady», dedi Ahmed Alı Ál-Tamımı. Aıta ketý kerek, Mı­lan­da uıymdastyrylǵan EKSPO-2016 kórmesinde qa­tar­­lyq pavılonǵa 2 mıllıon­nan astam adam kelgen. Astana­da­ǵy EKSPO-2017 kór­­me­sin­degi Qatar pavı­l­ony­nyń aý­da­ny 457 sharshy metr, ol BAÁ, Fransııa, Rý­mynııa jáne Slo­vakııamen kór­shiles bolady. Dál osy kúni Ázerbaıjan men Avstrııa memleketterine pavılondary tapsyryldy. Qazir­gi kúni 112 memleket pen 18 halyqaralyq uıym Astana­da­ǵy halyqaralyq ma­man­dan­dyrylǵan kórmege qa­ty­sa­­tyndyǵyn resmı rastady, onyń 5-i – arab memleketteri. Ashat RAIQUL, «Egemen Qazaqstan»