Ǵylym jáne joǵary bilim mınıstrligi men Ishki ister mınıstrligi Úndistan áriptesterimen quqyq qorǵaý organdaryna kadr daıarlaý jáne kásibı tájirıbe almasý máselelerin talqylady, dep habarlaıdy Egemen.kz.
Halyqaralyq yntymaqtastyqty damytý aıasynda Qazaqstan delegasııasy Úndistandaǵy Ulttyq sot-eksperttik ǵylym ýnıversıtetine (National Forensic Sciences University) baryp qaıtty. Bul oqý orny elde sot saraptamasy, krımınalıstıka, sıfrlyq saraptama jáne sot medısınasy salasyndaǵy jetekshi mamandandyrylǵan ýnıversıtet.
Kezdesý barysynda taraptar zamanaýı bilim berý baǵdarlamalaryn engizý, sondaı-aq sıfrlyq krımınalıstıka salasynda ǵylymı-ádistemelik bazany damytý tájirıbesimen bólisý múmkindikterin talqylady. Sonymen qatar Qazaqstanda ýnıversıtet fılıalyn ashý máselesi qaraldy.
Sheteldik JOO-lardyń fılıaldar kartasy usynyldy
Arnaıy nazar Qazaqstannyń quqyq qorǵaý organdary qyzmetkerlerine arnalǵan qos dıplomdyq bilim berý baǵdarlamalaryn iske qosýǵa aýdaryldy. Bul bastama krımınalıstıka men sıfrlyq tergeý salasyndaǵy mamandardy daıarlaýda halyqaralyq tájirıbeni qoldanýǵa múmkindik beredi.
Taraptar birlesken bilim berý baǵdarlamalaryn iske asyrý, professorlyq-oqytýshylyq quram men stýdentterdiń akademııalyq mobıldigin damytý, sondaı-aq birlesken ǵylymı zertteýler júrgizý jáne arnaıy biliktilikti arttyrý kýrstaryn uıymdastyrý áleýetin atap ótti.
Kezdesýdiń qorytyndysy boıynsha taraptar bolashaq yntymaqtastyqtyń negizgi baǵyttaryn aıqyndaıtyn tıisti hattamaǵa qol qoıdy.
Sheteldik JOO-ǵa túskisi keletinder qaıda habarlasady?
Aıta keteıik, 2026 jylǵy 4 jeltoqsanda Almatyda aqparattyq tehnologııalarǵa arnalǵan PROFIT Healthcare Day konferensııasy ótedi.
Prezıdent Almatyda BUU ýnıversıtetiniń óńirlik fılıalyn qurýdy usyndy