Elimizde Uly Jeńistiń 81 jyldyǵy qarsańynda soǵys ardagerleri men tyl eńbekkerlerine aýqymdy áleýmettik qoldaý kórsetilip jatyr. Bıyl bir rettik tólemderge 32,9 myńǵa jýyq adamǵa 3,3 mıllıard teńgeden astam qarjy bólindi. Olardyń qatarynda tyl eńbekkerleri, qaza tapqan jaýyngerlerdiń jesirleri jáne soǵys saldarynan múgedektik alǵan azamattar bar, dep habarlaıdy Egemen.kz.
Qazirgi tańda Qazaqstanda 57 Uly Otan soǵysynyń ardageri turady. Olardyń árqaısysyna turǵylyqty óńirine qaramastan 5 mıllıon teńgeden tólendi.
Ardagerlerge kórsetiletin materıaldyq kómek kólemi boıynsha Qazaqstan aımaqtaǵy jetekshi elderdiń biri sanalady. 2026 jyly Qazaqstandaǵy tólem kólemi 5 mıllıon teńgege jetse, О́zbekstanda bul kórsetkish shamamen 1,1 mıllıon teńge, al Belarýste 715–825 myń teńge shamasynda boldy.
Uly Otan soǵysynyń ardageri Kenjebaı Mádenovke «Halyq qaharmany» ataǵy berildi
Reseıde federaldyq tólem kólemi shamamen 61 myń teńgeni quraıdy. Keı óńirlerde qosymsha ústemaqylar qarastyrylǵanymen, jalpy kólemi Qazaqstandaǵy tólemnen áldeqaıda tómen.
Memleket qarjylaı kómekten bólek, ardagerlerge erekshe qurmet kórsetýdi de jalǵastyryp keledi. El basshylyǵy soǵys jáne eńbek erleriniń erligi men eńbegin umytpaı, olardyń esimin ulyqtaý mańyzdy ekenin atap ótýde.