«Astana» klýbynyń jattyqtyrýshysy Stanımır Stoılov jartylaı qorǵaýshy Roher Kanıastyń kıprlik APOEL komandasyna aýysýy jaıly óz pikirin bildirdi. Bul týraly fca.kz habarlady.
«Birinshi kezekte Kanıastyń komandaǵa sińirgen eńbegin atap ótken jón. Ol biz úshin óte mańyzdy oıynshylardyń biri bolatyn. О́zderińiz biletindeı, Ivan Mılevskıımen kelisimshartqa otyrdyq. Bapkerler alqasynyń sheshimimen maýsymnyń alǵashqy bóliginde komandaǵa tez beıimdelýi úshin osy oıynshyǵa basymdyq berýdi uıǵardyq. Al kıprlikter Roherge kópten beri kóz tigip júrgendikten jáne komanda Evropa Lıgasyndaǵy jolyn jalǵastyryp, óz birinshilikterinde chempıondyq attaqqa talasyp jatqandyqtan, bul sheshim klýb úshin de, oıynshy úshin de paıdaly bolady dep sheshtik. Roher jazda klýbymyzǵa keledi», – deıdi Stoılov.
Sonymen qatar, bolgar mamany «Astana» komandasynyń oqý-jattyǵý jıyndary jaıynda da aıtyp ótti.
«Jańa jyldan keıin komanda birinshi ret jattyǵý jumystaryn Dýbaıda ótkizip jatyr. Bul jerde biz úshin óte qolaıly jaǵdaı jasalǵan. Jattyǵý jumystary josparǵa saı ótýde. Ázirge barlyǵy kóńilimnen shyǵýda», – deıdi bapker.
Aıta keteıik, 26-jastaǵy kolýmbııalyq fýtbolshy APOEL sapyna 2017 jyldyń 31 mamyryna deıin jalǵa berilgen.