Astanada Ulttyq mýzeıde Sýretshiler odaǵynyń músheleriniń qatysýymen Jańa Konstıtýsııa jobasyn talqylaýǵa arnalǵan «Ata zań – jarqyn ómir kepili» atty dóńgelek ústel ótti. Taǵylymdy basqosýǵa 60-tan astam qatysýshy jınalyp, shyǵarmashylyq qaýym ókilderi Ata zańnyń jańa jobasyn qoldaıtyndaryn jetkizdi, dep jazady Egemen.kz.
Is-sharanyń ashylýynda sóz sóılegen kórnekti sýretshi, «Astana qalasy Sýretshiler odaǵy» qoǵamdyq birlestiginiń basqarma tóraǵasy О́miráli Ismaılov Konstıtýsııanyń qoǵam ómirindegi mańyzyna toqtaldy.
Jazýshylar jańa Konstıtýsııanyń rýhanı ózegin talqylady
«Ata zań – jarqyn ómir kepili» tirkesi jaı ǵana uran emes. Ol qoǵam damýynyń irgetasyn qalaıtyn negizgi qundylyqtardy, adam qadir-qasıetin, erkindik pen jaýapkershilikti aıqyndaıdy», dedi ol.
Konstıtýsııa jobasy partııalyq pikirtalas taqyrybyna aınaldy
Jıynda Aqmaral Ibraeva, Ulttyq mýzeı dırektorynyń ǵylymı jumystar jónindegi orynbasary, jańa Konstıtýsııa jobasynyń mazmunyna erekshe nazar aýdardy.
«Konstıtýsııa – memlekettiń turaqtylyǵynyń, bolashaǵy men kepiliniń negizi. Jańa jobaǵa óner, ulttyq qundylyqtar jáne tarıhı-mádenı muraǵa qatysty mańyzdy uǵymdardyń enýi – asa qundy bastama», dedi ol.
«Aýyl» partııasynyń jastary Konstıtýsııalyq reformany qoldaıdy
Dóńgelek ústel barysynda tanymal sýretshiler Jańa Konstıtýsııa jobasyna qatysty oı-pikirlerin ortaǵa salyp, onyń Qazaqstannyń damýyna, ásirese óner men mádenıet salasyna tyń serpin beretinine senim bildirdi. Qatysýshylar konstıtýsııalyq reformalardyń rýhanı keńistikti jańǵyrtýdaǵy mánin de erekshe atap ótti.