2026 jylǵy qańtarda Qazaqstannyń ekinshi naryǵyndaǵy turǵyn úı baǵasy qalalardyń basym bóliginde ósti. Astanada ortasha baǵa tarıhı mejeden asyp, bir sharshy metr úshin 600 myń teńgege jetti, dep habarlaıdy Egemen.kz.
Baǵa 1 aı ishinde qalaı ózgerdi?
Krisha.kz monıtorıngi kórsetkendeı, Qazaqstan boıynsha orta eseppen páter baǵasy jeltoqsanmen salystyrǵanda 2%-ǵa qymbattaǵan.
Qańtar aıyndaǵy eń joǵary ósim:
- Astanada: +5,2%;- Kókshetaýda: +3,2%;- Qaraǵandy men О́skemende: +3,0%;- Semeıde: +2,8%.
Qalǵan qalalarda baǵa ósimi 1-2,6% aralyǵynda boldy.
Baǵanyń azdap tómendeýi tek eki qalada tirkeldi:
- Almatyda: - 0,1%;- Aqtóbede: - 0,4%.
Ekinshi naryqtaǵy sharshy metr quny
Qańtar aıynyń qorytyndysy boıynsha el aýmaǵynda ekinshi naryqtaǵy turǵyn úıdiń ortasha baǵasy 1 sharshy metr úshin 419 126 teńgeni qurady.
Eń qymbat qalalar:
- Almaty − 804 695 teńge;- Astana − 601 740 teńge;- Shymkent − 490 000 teńge.
Eń arzan qalalar:
- Qyzylorda − 269 083 teńge/sharshy m;- Taraz − 321 653 teńge;- Aqtóbe − 324 013 teńge.
Baspana baǵasy qaı qalalarda ózgerdi?
Baǵa bir jylda qalaı ózgerdi?
2025 jylǵy qańtarmen salystyrǵanda Qazaqstanda ekinshi naryqtaǵy turǵyn úıdiń ortasha baǵasy 9%-ǵa ósti. Eń joǵary jyldyq ósim Aqtaýda (+22,7%), Astanada (+16,2%) jáne Qostanaıda (+13,5%) tirkeldi.
Shymkent pen Almatyda bir jyldaǵy baǵa ósimi 6-8% aralyǵynda boldy. Baǵanyń tómendeýi birde-bir qalada baıqalǵan joq.
Páter satyp alǵan qanshalyqty tıimdi?
Páter baǵasynyń ózgerý tarıhyn qalaı kórýge bolady?
Bul – qalalar boıynsha usynys baǵalarynyń ortasha kórsetkishterine jasalǵan sholý. Al naqty bir páterdiń baǵasy qalaı ózgergenin bilý úshin Krisha Plus arnaıy servısin paıdalanýǵa bolady.
Atalǵan servıs baǵanyń ózgerý grafıgin jáne páterdiń qansha ýaqyttan beri satylymda turǵanyn kórsetedi. Bul satýshynyń saýdalasýǵa qanshalyqty daıyn ekenin baǵalaýǵa kómektesedi.
Elimizde turǵyn úıdi jalǵa alý baǵasy ósti. Baspana qaı aımaqta qymbatqa túsedi?