Pákistannyń astanasy Islamabadta ornalasqan Hadıdja-týl-Kýbra meshitiniń mańynda juma namazy kezinde jarylys boldy. Saldarynan keminde 31 adam qaza tapty, dep habarlaıdy Egemen.kz
DW málimetinshe, taǵy shamamen 170 adam túrli deńgeıde jaraqat alǵan.
Jarylysty jasaǵan lańkes ústine jarylǵysh qurylǵyny taǵyp, meshitke kirgen. Alaıda ol jarylǵysh qurylǵyny iske qospastan buryn meshittiń kireberisinde toqtatylǵan.
Kýágerlerdiń aıtýynsha, qaskóı aldymen qaýipsizdik kúshterine oq jaýdyryp, keıin meshittiń ishinde ústindegi jarylǵysh belbeýdi jaryp jibergen.
Oqıǵa ornyna jedel járdem kólikteri bardy. Tótenshe jaǵdaı qyzmetteriniń habarlaýynsha, jaralanǵandardyń kópshiliginiń jaǵdaıy aýyr.
Islamabad komıssarynyń orynbasary Irfan Memon jaralanǵandar sany áli de naqtylanyp jatqanyn málimdedi. Zardap shekkender qalanyń birneshe aýrýhanasyna jetkizilgen. El mınıstrleri zardap shekkenderge jáne qaza tapqandardyń otbasyna kómek kórsetiletinin aıtty.
Al Pákistannyń syrtqy ister mınıstri Ishak Dar bul shabýyldy «jaýyzdyqpen jasalǵan qylmys» dep atady.
Sońǵy jyldary Pákistannyń shekaralas aımaqtarynda ekstremıster tarapynan jasalatyn zorlyq-zombylyq áreketteriniń sany artqan.