5 aqpan kúni Almaty qalasyndaǵy Balýan Sholaq atyndaǵy Sport saraıynda Dımash Qudaıbergenniń myńdaǵan jankúıeri óner ıesimen birge «Voice Beyond Horizon» atty aýqymdy premerasynyń alǵashqy epızodyn tamashalaý úshin bas qosty. Jobanyń bastamashysy ári oryndaýshy prodıýseri – Dımashtyń ózi, dep habarlaıdy Egemen.kz.
Alǵashqy prodıýserlik jobasyn tanystyrý barysynda Dımash Qudaıbergen tyńdarmandaryna alǵysyn bildirdi.
«Qurmetti dostar! Búgin sizderdi osynda kórip otyrǵanyma erekshe qýanyshtymyn. Osy mańyzdy sátte janymnan tabylǵan árqaısyńyzǵa shyn júrekten alǵys aıtamyn. Búgin – aıryqsha kún, sebebi dál búgin «Voice Beyond Horizon» jobasynyń álemdik premerasy ótedi. Men úshin premerany dál ózderińizben birge ótkizý – úlken mártebe», dedi ol
dimashnews.com saıtynyń málimetinshe, kórermender Dımash pen onyń komandasymen birge shoýdyń alǵashqy bólimin asa qyzyǵýshylyqpen tamashalap, jobanyń alǵashqy túsirilimderi ótken Túrkistan óńiriniń kórkem tabıǵatyna kýá boldy.
Epızod aıaqtalǵannan keıin zalda uzaq ýaqyt boıy tolastamaǵan qoshemet pen zor yqylas kórermenderdiń premerany joǵary deńgeıde qabyldaǵandyǵynyń jáne Dımash Qudaıbergendi iri jobanyń atqarýshy prodıýseri retindegi alǵashqy rólin sátti alyp shyqqandyǵynyń dáleli boldy.
Kezdesý aıasynda shoýmen qatar shaǵyn konserttik baǵdarlama uıymdastyryldy. Qobyzshy Oljas Qurmanbek «Gladiator» jáne «Loreen – Tattoo» kompozısııalaryn oryndady.
Dombyrashylar Temirlan Oljabaı men Ernat Naýryz «Alem» jáne «Bastaý» kúılerin oryndasa, Mansur Qudaıbergen «When I’ve got you» shyǵarmasynyń aspaptyq nusqasyn usyndy.
Keshtiń erekshe tosynsyıy retinde Dımash Qudaıbergenniń «Ǵashyqtyq» ánine túsirilgen jańa mood-beınebaıanynyń tusaýkeseri kórsetildi. Resmı premerasy jýyq arada kórermenge jol tartady.
Aıta keteıik, 5 aqpanda Qytaıdyń tanymal Hunan TV telearnasynda halyqaralyq mýzykalyq Voice Beyond Horizon jobasynyń resmı premerasy ótti.