Qazaqstannyń Áskerı-teńiz kúshteri 2016 jyly jaýyngerlik daıarlyqtyń qarqyndylyǵyn 25,5%-ǵa jáne áskerı korablderdiń júzip ótýin 35,4%-ǵa ulǵaıtty, dep habarlady QR Qorǵanys mınıstrliginiń baspasóz qyzmeti.
QR QK Áskerı-teńiz kúshteri bas qolbasshysynyń aqparaty boıynsha ótken jyly barlyǵy 3 600-ge jýyq korabldi oqý-jattyǵý ótkizildi. 2015 jyly olardyń sany 2600 qurady. Korablderdiń jalpy júzip ótýi 240-tan asa táýlikti qurady, ıaǵnı, áskerı teńizshiler teńizde shamamen 5800 saǵat ótkizdi.
Jalpy alǵanda, 2016 jyly áskerı teńizshiler 30 myńnan asa mılıa júzip ótti. Bul 2015 jylmen salystyrǵanda 48,3 paıyzǵa kóbirek bolyp otyr. Jedel daıyndyq sheńberinde Áskerı-teńiz kúshteri bir jyl boıy onyń ishinde, Aqtaý Aqtaý garnızonynyń áskerı bólimderin, sondaı-aq, ózge de ásker túrleri men ásker tekteriniń quramynan jedel toptardy tarta otyryp, jedel-taktıkalyq jıyndar, komandalyq-shtabtyq jattyqtyrýlar, komandalyq-shtabtyq jáne taktıkalyq-arnaıy oqý-jattyǵýlar ótkizdi. Jaýyngerlik daıarlyqta qarý-jaraq pen áskerı tehnıkany qoldaný daǵdylaryn jetildirýge, bólimsheler men korablderdiń úılesimdiligine jiti nazar aýdaryldy.
2016 jyl Áskerı-teńiz kúshterin ınfraqurylymyn damytýda aıryqsha oqıǵaǵa toly jyl bolǵanynan aıta ketken jón. Aqtaýda áskerı korablder men kemelerdiń turaqtaýyna arnalǵan alǵashqy pırs ashyldy. Oralda otandyq «Zenıt» zaýytynda qurastyrylǵan arnaıy maqsattaǵy bólimshelerge arnalǵan alǵashqy arnaıy kater sýǵa túsirildi. Baza sý aıdyny, kemejaı, keme joly men Kaspııdiń jaǵa mańyndaǵy bóliginde mınaǵa qarsy qorǵanysty qamtamasyz etý úshin jaraqtandyrýǵa «Alataý» mına-tartqysh korabli kelip tústi.
Al Kaspıı teńiziniń sýasty sý aıdynyn, súńgýirlerdiń jattyqtyrý kerek-jaraǵyn kúzetý úshin tuńǵysh ret Áskerı-teńiz kúshterine «Gıdroprıbor» ǴZI» AQ qazaqstandyq kásipornynda daıyndalǵan mobıldi súńgýir kesheni jetkizildi. Atalmysh keshen KAMAZ avtomobılderiniń bazasynda ornalastyryldy. Onyń quramyna súńgýirlik túsýlerdi qamtamasyz etý quraldary bar modýl, ashyq jáne tuıyqtalǵan úlgidegi tynys alý apparattary jáne teńizde jumys jasaýǵa arnalǵan jyldam júzetin qaıyqtar kiredi.