Elimizdiń eki oblysynda burqasyn men kórý múmkinshiliginiń bolmaýyna baılanysty tas joldar jabyldy. Bul týraly TJ komıteti «Qurylys, jolaýshylar kóligi jáne avtomobıl joldary basqarmasy» MM-ge silteme jasap habarlady.
Jambyl oblysynda 30 qańtar saǵat 23:30-dan bastap aýa raıynyń qolaısyzdyǵyna (burqasyn, kórý múmkinshiliginiń bolmaýy) baılanysty oblystyq mańyzy bar «B.Momyshuly-Qoshqarata» tas jolynyń 10-65 shaqyrym aralyǵy barlyq kólikter úshin jabyq.
Almaty oblysynda 31.01.2017 jyly saǵat 12:00-den bastap aýa raıynyń qolaısyzdyǵyna (burqasyn, kórý múmkinshiliginiń bolmaýy) baılanysty oblystyq mańyzy bar «Taldyqorǵan-Qapal» tas jolynyń 0-76 shaqyrym aralyǵynda barlyq kólik túrleri úshin qozǵalys shekteldi.