Oblystyq ishki ister departamentiniń qylmystyq isti tekserý polısııasy basqarmasynynyń málimetinshe, barlyq urlyq túriniń 20 paıyzyn tek uıaly telefon urlyǵy quraıdy. Telefon urlyǵyn azaıtý úshin Ishki ister mınıstrliginiń Qylmysty tekserý departamenti uly baılanys operatorlarymen memorandýmǵa qol qoıǵan bolatyn. Memorandýmnyń mánisi—urlanǵan telefondardyń abonenttik qurylǵysyn buǵattap, syrtpen baılanysyn úzip tastaýǵa saıady.
--Qazaqstanda qazir urlanǵan telefondy paıdalana almaıdy. IMEI kody boıynsha qurylǵy buǵattalady. Mundaıjaǵdaıda telefonyn urlatqan kisi ishki ister oranyna kelip, aryz jazýy kerek, onda telefonynyń syrtqy sıpatyn kórsetedi, sosyn aryzben qosyp telefonnfń óziniń menshigi ekenin rastaıtyn qujattaryn da tapsyrady, -- deıdi Qylmysty tekserý polısııasy basqarmasynyń jedel ókili Rınat Qabylbekov.
2016 jyly oblys óńirinde 3000 uıaly telefon urlanǵany tirkelgen, sonyń ishinde telefondary der ýaqytynda buǵattalǵandar da bar. Amerıka qurama shtattaryndaǵy polıseıler urlanǵan telefondy buǵattaý tájirıbesin óte belsendi qoldanady eken. Sonyń nátıjesinde urlyqshy qolǵa túsirgen telefonyn kádege asyra almaıdy, ol jáı plastıkke aınalady, ony ıesine qaıtarýdan basqa amaly joq. Qostanaılyq polıseıler de amerıkalyq áriptesteriniń tájirıbesin qoldanbaq. Rınat Qabylbekovtyń aıtýynsha, qazir polısııaǵa taýyp alǵan telefondy ákelýshiler qatary kórine bastapty.
Názıra Járimbetova, «Egemen Qazaqstan»