Italııanyń Mılan qalasyndaǵy «San-Sıro» stadıonynda XXV qysqy Olımpııa oıyndarynyń saltanatty ashylý rásimi bastaldy, dep habarlaıdy Egemen.kz.
Astana ýaqytymen saǵat 23:55-ten bastap básekeniń tusaýkeser keshin elimizdiń 4 telearnasy − Qazaqstan, Qazsport, «Habar» jáne Jibek Joly tikeleı efırde kórsetedi.
Ulttyq quramalar sherýinde Memlekettik týdy Denıs Nıkısha (short-trek) men Aıaýlym Ámrenova (frıstaıl-mogýl) ustap shyǵady.
Aıta keteıik, ashylý rásimi 4 lokasııada qatar ótedi. Denıs Mılan qalasynda, al Aıaýlym shańǵy jarystary ótetin Lıvıno kommýnasyndaǵy rásimde bolady. Saltanatty keshtiń taqyryby Armonia (ıtalıan tilinen aýdarǵanda «garmonııa», «úılesim») dep atalady.
Qysqy Olımpıada-2026: Jarys kestesi jarııalandy
Sondaı-aq bıyl Olımpıada alaýy alǵash ret 2 tusta tutanady. Olar: Mılandaǵy saltanat qaqpasy men Kortına-d’Ampessodaǵy Pıassa Dı-bona alańy.
Mılan-Kortına Olımpıadasynda el namysyn 10 dıssıplınada 36 sportshy (18 er, 18 áıel) qorǵaıdy. Jalpy dodaǵa 93 memleketten 3000-ǵa jýyq atlet qatysady. Olar 16 baǵdarlamada 116 medal jıyntyǵyn sarapqa salady. Olımpıada 22 aqpanda máresine jetedi.