Birikken Ulttar Uıymynyń Qaýipsizdik keńesi shuǵyl jıyn ótkizedi.
Basqosýǵa birer kún buryn Irannyń ortasha qashyqtyqqa arnalǵan ballıstıkalyq zymyran ushyrýy sebep. Dıplomattar «Irannyń bul áreketi búkil Taıaý Shyǵysqa qaýip tóndirý» dep dabyl qaqqan Izraıl Premer-mınıstriniń suraýy boıynsha jıylmaq.
Buǵan deıin amerıkalyq basylymdar barlaý qyzmetine silteme jasap, jeksenbide Irannyń ballıstıkalyq zymyran ushyrǵanyn habarlaǵan edi. Ol shamamen myń shaqyrym qashyqtyqqa ushqan. Qaýipsizdik keńesiniń tujyrymdamasy boıynsha Irannyń mundaı synaqtardy júrgizýine tyıym salynǵan. Osyǵan baılanysty Izraıl premeri Benıamın Netanıahý AQSh prezıdenti Donald Tramppen kezdesip, Iranǵa jańa sanksııalar salý jaıyn talqylaýdy josparlaǵan.
"Osy jeksenbide Iran taǵy da ballıstıkalyq zymyran ushyrdy. Bul - Qaýipsizdik keńesiniń tujyrymdamasyn moıyndamaı ony óreskel buzý. Osyǵan baılanysty AQSh prezıdentimen kezdesip, Iranǵa baǵyttalǵan sanksııalardy kúsheıtý jaıyn talqylamaqpyn. Ballıstıkalyq synaq Izraıl men AQSh úshin emes, Taıaý Shyǵystaǵy talaı elge qaýip tóndiredi. Irannyń bul áreketi jaýapsyz qalmaýy tıis", - Izraıl Premer-mınıstri Benıamın Netanıahý.