Qazybek bıdiń shapany

Bul ataqty Qaz daýys­ty Qazybek bıdiń shapany. Shapan parsha, maqta-matadan tigilgen. О́n boıy qus qanaty, qumyra, ósimdik tektes órnektermen, altyn, kúmis jalatylǵan mys jiptermen kómkerilgen. Atadan qalǵan asyl mura, zerli shapandy Qazybek bıdiń jetinshi urpaǵy Qarqaraly aýdanynyń Edireı aýylynda turatyn Altyn Qojah­metov aqsaqal saqtap kelipti. Osy kisi 2008 jyly sol kezdegi Prezıdenttik mádenıet ortalyǵynyń basshysy, kórnekti memleket jáne qoǵam qaıratkeri Myrzataı Joldasbekovtiń attaı qalaýy­men atalǵan ortalyqqa ótkizgen. «Qa­zybek bıdiń urpaqtary atadan balaǵa mıras bolǵan qundy jádigerdi úsh ǵasyr boıy kózdiń qarashyǵyndaı qasterlep saqtaǵan. Áıtse de ár jyldary adamdar qazaqy jolmen yrymdap, shapannyń ár jer-ár jerinen kesip, qıyp alyp otyrǵan. Qundy jádi­ger bastapqy qalpynda saqtal­maǵandyqtan, restavrasııa jumys­taryn jasaýdy qajet etti. Bıdiń shapanyna kóp keshikpeı jańartý, qaıta qalpyna kel­tirý jumystary júrgizildi. Shapandy sheber Tursynkúl Jaılaýbaeva 2008-2010 jyl­dar aralyǵynda qaıta jań­ǵyrtýdan ótkizdi», – deıdi Ulttyq mýzeı­degi Qazaqstan ta­rıhy bóliminiń ǵylymı qyz­metkeri Roza Kenje­bekova. Bul shapannyń Ulttyq mýzeı­degi orny – Qazaqstan tarıhy zaly. «Qazaq qoǵa­myndaǵy quqyqtyq qa­ty­nas­tar» degen taqy­ryp­taǵy zattardyń qata­rynda tur. Aıgúl SEIILOVA, «Egemen Qazaqstan» Sýretterdi túsirgen Orynbaı BALMURAT, «Egemen Qazaqstan»