Men Qazaqstan Respýblıkasynyń Prezıdenti Nursultan Nazarbaevtyń óz halqyna arnaǵan Úndeýimen úlken qyzyǵýshylyqpen tanystym.
Sizderdiń elderińizdi Prezıdent óz halqyna usynǵan mańyzdy konstıtýsııalyq reforma baǵdarlamasyna oraı quttyqtaımyn. Arnaıy Jumys toby tarapynan usynylǵan, bıliktiń jalǵyz ıesi halyq degen qaǵıdaǵa súıengen barlyq usynystar men usynymdar parlamenttik basqarý júıesin engizýge baǵyttalǵan. Demokratııalyq memlekette bıliktiń zań shyǵarýshy jáne atqarýshy organdary naqty ókilettiktiń bólisý qaǵıdattaryn saqtaı otyryp, ózara yntymaqtastyq aspektileri bar tolyq táýelsizdikke ıe bolýǵa tıis.
Parlament pen Úkimettiń qarym-qatynasy ózara teń dárejede bolýy kerek, olardyń bireýi ekinshisinen basym bolmaýǵa tıis. Bul Parlament róliniń nyǵaıýyn talap etedi, al Úkimettiń barlyq qyzmeti Parlamenttiń baqylaýy aıasynda júzege asyrylǵany jón. Osyndaı konstıtýsııalyq qatynastar barysynda bılik tarmaqtarynyń arasynda qaıshylyq týyndaǵan jaǵdaıda Prezıdent tóreshi bolady.
Ulttyq Konstıtýsııany qaıta qarastyrý úderisinde osy jańa qaǵıdattardy júzege asyrý demokratııa men adam quqyqtary qaǵıdattaryn ilgeriletýge yqpal etedi, sondaı-aq azamattardyń erkindigine qosymsha qorǵan bolady ári sizderdiń elderińizdi basqarýdyń jańa sapalyq deńgeıine kóteredi. Bul – zamanaýı basqarý qaǵıdalaryn qoldanyp, bılik júıesinde turaqtylyqty qamtamasyz etýge umtylǵan kez kelgen el úshin sheshýshi shart.
Men jańǵyrý maqsatyna talpynǵan sizderdiń elderińizge bar jaqsylyqty tileımin. El Táýelsizdiginiń 25 jyldyǵyna oraı taǵy da meniń shynaıy quttyqtaýymdy qabyl alyńyzdar.
Taher HIKMET
Iordanııa Konstıtýsııalyq sotynyń prezıdenti