Jańa jyl «Máńgilik Eldi» tuǵyrlandyrýǵa baǵyttalǵan asa mańyzdy oqıǵalarmen bastalyp otyr. Qazaqstan damýynyń qaryshty qadamdary jańa mindetterdi alǵa shyǵaryp, onyń tabysty oryndalýyn talap etedi. Ýaqyt ózegindegi alǵysharttar Elbasy Nursultan Nazarbaevtyń tereń oılastyrylǵan bastamalarynan kórinis taýyp, halyq qoldaýyna ıe bolýda. Búgingi kúni jurtshylyq memlekettik bılik tarmaqtary arasynda ókilettikterdi bólý jónindegi konstıtýsııalyq reformalardy tereń talqylaý ústinde. Al keshe baspasóz betterinde Prezıdenttiń Qazaqstan halqyna arnaǵan keń aýqymdy Joldaýy jarııalandy. El jasampazdyq pen jańǵyrýdyń jańa kezeńin bastady.
Aqmola oblysynyń ákimi Sergeı Kýlagınniń tóraǵalyǵymen ótken aktıv jınalysy «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» zań jobasy men Elbasy N.Á.Nazarbaevtyń halqymyzǵa arnaǵan «Qazaqstannyń Úshinshi jańǵyrýy»: jahandyq básekege qabilettilik» atty Joldaýyn talqylaýǵa arnaldy.
Oblys ákimi óz sózinde: «Qazaqstan Respýblıkasynyń Ata Zańyna ózgerister engizý Prezıdenttiń birqatar quzyretin Úkimet pen Parlamentke berýge múmkindik týǵyzady, – dedi. – El Parlamentiniń dárejesi artady, sot jáne prokýratýra júıelerin, jergilikti basqarý men ózin ózi basqarý salasyn ári qaraı jetildirý boıynsha jumystar júrgiziledi. Bılik tarmaqtaryn bólý – demokratııalyq úlgili úrdisterdiń zańdy jalǵasy. Úkimet pen Parlamenttiń jetekshi oryndarǵa kóterilýi belgilengen mindetter jaýapkershiligin kúsheıtýmen qatar, qoǵamdyq belsendilikti arttyra túsýi qajet. Oblysymyzda atalǵan keń kólemdi konstıtýsııalyq reformany turǵyndar arasynda túsindirý maqsatyndaǵy sharalardyń kestesi bekitilip, jumys barysyn kórsetýdiń medıa-jospary túzildi.
Sondaı-aq, oblys ákimi Elbasynyń «Jańǵyrtý 3.0» Joldaýynyń Qazaqstannyń tarıhı damýynyń jańa kezeńine tutqaly ustanymdary jaıly taratyp aıtty. «Al Elbasy Nursultan Nazarbaevtyń Qazaqstan halqyna Joldaýynda ýaqyt órindegi mynadaı mindetter qoıyldy, – dedi sózinde oblys ákiminiń orynbasary Nurlan Nurkenov. – Memleket basshysy: «Bul jańǵyrý – qazirgi jahandyq syn-qaterlermen kúres jospary emes, bolashaqqa, «Qazaqstan-2050» strategııasy maqsattaryna bastaıtyn senimdi kópir bolmaq. Ol Ult jospary – «100 naqty qadam» bazasynda ótkiziledi. Men onyń bes negizgi basymdyǵyn kórip otyrmyn. Olar ekonomıkanyń əlemdik ósiminiń orta deńgeıden joǵary qarqynyn qamtamasyz etýge jəne 30 ozyq eldiń qataryna qaraı turaqty túrde ilgerileýge laıyqtalǵan», dedi óz Joldaýynda».
Odan ári baıandamashy Elbasy belgilegen negizgi bes basymdyqty jergilikti mysaldarmen baılanystyra saraptady. Byltyrǵy jyldyń qorytyndysy boıynsha oblystyń áleýmettik-ekonomıkalyq damýynda barlyq salalar boıynsha turaqty ósim qamtamasyz etilgenin aıtty.
Oblystyń depýtattyq korpýsy, basqarmalar men departamentterdiń, quqyq qorǵaý organdarynyń basshylary, qoǵamdyq uıymdar men saıası partııalardyń jáne buqaralyq aqparat quraldarynyń ókilderi qatysqan jıynda oblystyq aýrýhananyń bas dárigeri Serik Aıaǵanov, «Vıdergebýrt» nemis qoǵamdyq uıymynyń tóraıymy Svetlana Korneeva, jastar resýrstyq ortalyǵynyń jetekshisi Tımýr Iskakov sóz sóıledi.
Baqbergen AMALBEK,
«Egemen Qazaqstan»
Aqmola oblysy