Ekonomıka ósýiniń jańa modeli bizge burynnan súıeý bolyp kele jatqan shıkizat salasynyń munaı-gaz óndirýinen emes, jańa, joǵary tehnologııaly salalardy damytýǵa negizdelgeni jańa Joldaýdyń eń basty ereksheligi boldy dep aıtar edim. Joldaý Qazaqstannyń Úshinshi jańǵyrýy dep atalǵany da tegin emes. Alǵashqy jańǵyrýdy biz ótken ǵasyrdyń 90-jyldarynyń ortasynda, al ekinshi jańǵyrýdy 2000-jyldardyń basynda ótkerdik.
Prezıdenttiń aıtýyna qaraǵanda, ekonomıkanyń Úshinshi jańǵyrýy jańa salalarǵa kóshýmen erekshelenetin bolady. О́simniń jańa faktorlary ashylmaqshy. Osy oraıda, Prezıdent Úkimetke «Sıfrlyq Qazaqstan» jeke baǵdarlamasyn ázirleýdi tapsyrǵanyn atap ótýge bolady. «Sıfrlyq ındýstrııany damytý basqa salalarǵa da serpin beredi. Sondyqtan Úkimet IT salasyn damytý máselesin erekshe baqylaýda ustaýǵa tıis», dedi Prezıdent.
Maǵan Ulttyq bank fýnksııalarynyń ózgerýi qatty áser etti dep aıtar edim. Buryn bul Bank negizinen ınflıasııany retteýge ǵana jaýap beretin edi. Endi ol aqsha-qarajat saıasatyn tıimdi júrgizý arqyly ekonomıkaǵa ınvestısııa tartý máselesimen de shuǵyldanatyn bolady. Osy baǵytta Prezıdent Ulttyq banktiń elimizdegi jalpy bank sektoryn qalpyna keltirý boıynsha sharalar keshenin daıyndaýdy tapsyrdy. Bankterdiń balansyn tıimsiz nesıelerden aryltý jumysyn jedeldetip, qajet bolǵan jaǵdaıda olardyń kapıtalyn aksıonerler tarapynan arttyrýdy qamtamasyz etý kerek, dedi Prezıdent.
Sonymen qatar, bankterdiń ahýalyna jedel baqylaý ornatý úshin Ulttyq bankke burynǵydan kóbirek quqyq beriletin boldy. Sonymen birge, Elbasy Úkimetke Ulttyq bankpen birlesip otandyq qor naryǵyn jandandyrýǵa baǵyttalǵan sharalar qabyldaýdy tapsyrdy. Saıyp kelgende, endi Ulttyq bank Úkimetpen birge ekonomıkanyń ósýine de jaýapty bolady.
Joldaýda salyq-bıýdjet saıasatyn jańa ekonomıkalyq jaǵdaıǵa beıimdeý máselesi de aıtyldy. Muny óte durys dep sanaımyn. Osyǵan deıin bıýdjet shyǵystarynyń tıimdiligine asa kóp mán berilmeıtin. Endi osy baǵyt ta qadaǵalanatyn bolady. Prezıdent 2017 jylǵy memlekettik damý baǵdarlamalaryn qajetti resýrstarmen tolyqtaı qamtamasyz ettik. Endi mınıstrlikter men vedomstvolardyń osynaý qarajattardy ıgerýiniń tıimdiligin tekserý qajet, dep naqty mindet qoıdy. Bul sheshýin kópten kútken másele bolatyn. Tek baqylaý men durys tekseris bolǵanda ǵana jaqsy nátıjege qol jetkiziletini belgili.
Vıacheslav DODONOV,
Qazaqstan strategııalyq zertteýler ınstıtýtynyń (QSZI) bas ǵylymı qyzmetkeri