Bıylǵy Joldaý – mazmuny erekshe qujat

Parlament Senatynyń Tóraǵasy Qasym-Jomart Toqaev joǵarǵy palatanyń bıýro otyrysynda Prezıdent Nursultan Nazarbaevtyń Qazaqstan halqyna Joldaýyn iske asyrýǵa baılanysty birqatar mindetterdi alǵa qoıdy, dep habarlady Senattyń baspasóz qyzmeti. Q.Toqaev Memleket basshy­synyń «Qazaqstannyń Úshinshi jańǵyrýy: jahandyq básekege qabilettilik» Jol­daýy óziniń mazmuny jaǵynan erekshe qujat ekenin atap ótti. Tóraǵa Jol­daýdy «Ekonomıkany qury­lymdyq jańar­týdyń negiz­gi baǵyttary dál, ári jan-jaq­ty kórinis tapqan, Úkimet, Par­lament jáne jalpy qoǵam­ǵa arnalǵan jol kartasy», dep atap ótti. Senat Tóraǵasy depý­tat­tardyń al­dyna Joldaýdy iske asyrý jónin­de mańyzdy min­detter qoıdy. Birin­shi mindet – depýtattardyń 2-10 aqpan­daǵy aımaqtarǵa sapary barysynda, jurtshylyqqa qujattyń negizgi ere­jelerin túsindirý bolyp tabylady. Tóraǵanyń pikirinshe, Joldaýdy zań­na­malyq qamtamasyz etý tur­ǵy­synan senatorlarmen áńgi­melesý jurtshylyq úshin óte paıdaly bolady. Tóraǵa Joldaýda bel­gi­lengen ba­sym­dyqtar boıynsha palata jumysynyń josparyn úı­lestirýdi  ekinshi mindet retin­de atap ótti. Bıznes quqyq­tary men múddelerin zańna­ma­lyq turǵyda qamtamasyz etýge jáne osy saladaǵy «Atameken» ulttyq kásipkerler palatasy men memlekettik ózara is-qımylyna arnalǵan, 24 aqpanǵa josparlanǵan parlamenttik tyńdaýǵa erekshe nazar aýdarylady. «Bul tyńdaýdyń taqy­rybynyń ózinde Pre­zı­denttiń Jol­daýynda aıtylǵan min­detter tolyq kó­lemde kóri­nis taýyp otyr. Shara kezin­degi usy­nymdar men sóılenetin sóz­­der Joldaýdyń negizgi máse­le­lerin iske asyrý turǵy­synan egjeı-tegjeıli py­syq­taý qajet bolady», – dedi Q.Toqaev. Úshinshi mindet – qujatty iske asyrýdy zańnamalyq tur­ǵyda qamtamasyz etý. «Bul Jol­daýda kásipkerlikti qoldaý, bız­nes-qoǵamdastyqtardy odan ári damytý úshin qajetti jaǵ­daı jasaý týraly kóp aıtylady. Qazirgi zańnamany tal­daýǵa jáne Úkimetpen baı­la­nysqa dál osy turǵydan qaraý kerek», – dedi Senat Tór­aǵasy. Q.Toqaev depýtattar ju­my­synyń negizgi baǵyttaryn belgiledi. Prezıdent jyldyń sońyna deıin Jer qoınaýy týraly jańa kodeks qabyldaýdy jáne salyq zańnamasyna túze­tý­ler engizýdi tapsyrdy. Son­daı-aq, bank sektoryn saýyq­tyrý men korporatıvtik basqa­rýdy jaqsartý jónindegi shara­lar zań­namalyq túrde bekem­deýdi talap etedi. Odan basqa, ákimshilik jáne qylmystyq zańnamany izgilendirý qajet. Joldaýdyń mańyzdy tujy­rym­dary qatarynda Tóraǵa Memleket bas­shy­synyń «Biz jekemenshikti qorǵaýǵa, quqyq ústemdigine jáne barshanyń zań aldynda teńdigin qamtamasyz etýge ba­ǵyttalǵan reformalar júrgizýdemiz», degen sózin erekshe atap ótti. «Prezıdent Joldaýynda alǵa qoıyl­ǵan mindetterdi utymdy iske asyrý úshin bizge, depýtattarǵa bul jumysqa shy­ǵar­mashylyqpen ári isker­likpen kirisý kerek», – dep atap ótti Q.Toqaev.