Elordada jedel ahýal birqalypty jaǵdaıda. Bul týraly Astana q. IID basshysy Amantaı Áýbákirov Astana qalasy IID-de Qazaqstan Respýblıkasy Ishki ister mınıstri polısııa general- polkovnıgi Qalmuhanbet Qasymov pen Astana qalasynyń ákimi Áset Isekeshevtiń qatysýymen ótken jedel keńes otyrysy barysynda málimdedi, dep habarlady Astana qalasy ákimdiginiń baspasóz qyzmeti. Atalǵan jıynda 2016 jyldyń jedel-qyzmettik jumys qortyndylary jáne Astana qalasy Ishki ister departamentiniń bolashaqqa josparlaǵan mańyzdy maqsattary talqylandy.
О́z kezeginde, jeke quram aldynda sóılegen sózinde Astana qalasynyń ákimi Áset Isekeshev elordalyq polısııa men jergilikti atqarýshy organdardyń qarym-qatynasy algorıtimine toqtaldy. Astana qalasy damyp, polısııa qyzmeti jetildirilýde. Qazirgi tańda «smart-Astana» baǵytynda eń ozyq tehnologııalar qoldanysta. Astana kóshelerinde zamanýı kameralar ornatylǵan jáne olardyń sany artýda.
Sonymen qatar, qala basshysy jergilikti polısııa qyzmetinde qoǵamdyq jerler men qala kóshelerinde jasalatyn quqyq buzýshylqtardyń aldyn alyp, basymdy is-sharalar atqarýdy qadap aıtty. Elordalyq polısııa qyzmetkerlerine «EKSPO-2017» Halyqaralyq kórmesin ótkizý jáne daıyndyq kezeńinde IID elordalyq statýsqa saı, turǵyndardyń qaýipsizdigin jáne qoǵamdyq quqyqtyq tártip jaǵdaıyn qurýda barlyq baǵyt boıynsha úlgili, kórsetkishi men reıtingi joǵary bolý kerek ekendigin, qala turǵyndary men qonaqtarynyń qaýipsizdigin jáne qoǵamdyq qaýipsizdikti qamtamasyz etýde olarǵa úlken jaýapkershilik júktelgendigin atap ótti.