Qyzylorda oblysynyń Kásipkerler keńesinde aımaqta kásipkerlikti damytý jáne ákimshilik kedergilerdi joıý máseleleri talqylandy.
- Shaǵyn jáne orta kásipkerlikti, ásirese mıkrokásipkerlikti damytýǵa basymdyq tanytý kerek. Oblysta óńirlik kásipkerlik palatasy qurylǵannan bastap (2013 jyly) aımaqtaǵy kásipkerliktiń damýyna maqsatty jumystar júrgizildi. Nátıjesinde myńnan asa jumys orny quryldy,- dedi oblys ákimi Qyrymbek Kósherbaev Keńes otyrysyn asha otyryp.
Oblys ákiminiń orynbasary Evgenıı Kım óńirdegi bıznesti damytýdyń perspektıvalyq baǵyttary týraly baıandama jasady. Onyń aıtýynsha Qyzylorda oblysynda toqyma jáne aıaq kıim, sondaı-aq aýylsharýashylyǵy, ónerkásip, mashına jasaý jáne qaǵaz óndirisin damytýǵa bolady. Alaıda óńirde kásipkerlikti damytýǵa dástúrli bıznes salalaryn jón kóretin kásipkerler men start-ap jobalarǵa nesıe bermeıtin ekinshi deńgeıli bankter keri áserin tıgizip otyr.
- Naqty mysal keltireıin. Jýyrda biz jumys saparymen О́zbekstanǵa bardyq. О́zbek kásipkerleri toqymadan bastap kúrdeli mashına jasaý ónerkásibi salalarynda óte belsendi. Tipti balalar jórgekterine deıin óndiredi,- dedi E.Kım.
Qyzylorda oblysy Kásipkerler palatasynyń dırektory Ǵalymbek Jaqsylyqov kásipkerler jumysyndaǵy ákimshilik kedergilerdi joıý boıynsha atqarǵan jumystar jóninde baıandady. «Palata keńesshileri júzdegen kásipkerlerge óz quqyqtaryn qorǵaýǵa kómektesti» dep jetkizdi Ǵ.Jaqsylyqov. Sondaı-aq kezdesý barysynda ótken jyldyń jeltoqsan aıynyń aıaǵynda ashylǵan Kásipkerlerge keńes berý ortalyǵynyń tusaýkeseri ótti. Ortalyqtyń basty maqsaty kásipkerlerge qysqa ýaqytta ruqsat qaǵazdaryn alý, keńes berý bolyp tabylady. Budan bólek, Kásipkerlerge keńes berý ortalyǵy ınvestorlardy tartyp, ınvestısııalyq jobalardy júzege asyrady.
Keńes otyrysynda aıtylǵan usynystar aldaǵy ýaqytta tolyqtaı talqylanatyn bolady.