«Astana» fýtbol klýbynyń oıynshysy Nemanıa Maksımovıch Ispanııanyń «Valensııa» ujymyna tegin aýysatyn boldy. Bul týraly vesti.kz habarlady.
Bastapqyda transferlik quny 300 myń eýrony quraýy múmkin degen aqparat taraǵan. Alaıda, «Plaza Deportivo» basylymynyń málimeti boıynsha onyń elordalyq komandamen kelisimsharty aıaqtalǵansha kútetini belgili boldy. Birer apta buryn serdııalyq oıynshy jańa komandasymen aldyn ala 2021 jylǵa deıin ortaq kelisimge kelgen. Osy ýaqyt aralyǵynda ol barlyǵy 7 mıllıon eýro kóleminde jalaqy alady.
Nemanıa Maksımovıch «Astana» sapyna ekinshi oqý-jattyǵý jıyny kezinde qosylady. Komandanyń Dýbaıda ótkizgen birinshi oqý-jattyǵý jıynyna qatysqan joq.
Aıta keteıik, jartylaı qorǵaýshy «Astanada» 2015 jyldyń aqpan aıynan bastap oınap keledi. Eki maýsym aralyǵynda eki ret el chempıony atanyp, bir ret Qazaqstan kýbogyn jeńip alǵan. Sonymen qatar, Chempıondar lıgasy men Eýropa lıgasynyń toptyq kezeńinde oınady. Al 2015 jyly Serbııa jastar quramasymen álem chempıony atanǵan.