Aqmola oblysynyń Býrabaı aýdanynda 125 oryndyq balabaqsha ashyldy, dep habarlaıdy QazAqparat.
Búgin aımaq basshysy Sergeı Kýlagın jumys saparymen Býrabaı aýdanynda bolyp, birqatar áleýmettik-óndiristik nysandarymen tanysty. Sapar kezinde aımaq basshysy Oqjetpes aýylyndaǵy memlekettik-jekemenshik seriktestik aıasynda ashylǵan 125 balaǵa arnalǵan «Balapan» balabaqshasynda boldy. Jarty ǵasyrǵa jýyq buryn salynǵan ǵımaratqa ótken jyly kúrdeli jóndeý jumystary júrgizilip, balabaqsha retinde qaıta jasaqtaldy. Mekeme basshysy Raýshan Ibraevanyń aıtýynsha, jobanyń quny 70 mıllıon teńgeni qurap otyr. Onyń 60 mıllıon teńgesi «Damý» kəsipkerlikti damytý qory arqyly bólingen.
«Qazirgi zamanǵa saı jabdyqtalǵan balabaqshada balalardyń mektepke deıingi bilim men tərbıe alýyna barlyq jaǵdaı jasalynǵan. Osy maqsatta 30 mıllıon teńgeniń qural-jabdyqtary satyp alynyp, ornatyldy. Nysanda 4 oıyn alańy, 4 jatyn bólme, 4 sanıtarlyq jeli, sport jəne mýzyka zaldar bar. Ústimizdegi jyly ǵımarattyń káriz, sý jəne jylý júıelerin jańartý kózdelip otyr», - dedi R.Ibraeva.