Tolaǵaı tartý bir toǵyzǵa jetti

Jurtshylyq bul jaqsy j­a­ńalyqty oblys ákimi Baqytjan Saǵyntaevtyń qatysýymen ótken keńesten keıin estip-bilip qýanyp qalǵandary anyq. Elimizdiń táýel­­sizdik alǵanyna 20 jyl tolýy qar­sańynda oblys boıynsha bul mereke mektepter men balabaq­sha­lardyń, densaýlyq saqtaý sala­sy­nyń, klýbtar men sporttyq ny­san­dardyń boı kóterip, halyq ıgi­ligine berilýimen atalyp ótil­mek. Iаǵnı, oblys or­talyǵy, Eki­bas­tuz, Aqsý qalalarynda árqaı­sy­sy 330 oryndyq úsh bala­baqsha paıdalanýǵa beriledi. Sóıtip, oryn kezegin kútip, úılerinde otyr­ǵan búldirshinder qýa­natyn boldy. Oblys ákimdiginde ótken keńeske qatysqan bilim basqarma­synyń bas­tyǵy Baqyt Bek­seıit­ovanyń aıtýynsha, osy kúnderi jumys jasap turǵan balabaqsha ǵımarattaryn qaıta jańartýǵa 500 mıllıon teńge qarjy bóli­netin bolypty. Sonymen qatar, oblys ortalyǵynda bıylǵy jy­ly tamyz aıynda 1200 oryndyq №16 jalpy bilim beretin orta mekteptiń qurylysy aıaqtalmaq. Eń negizgisi, otyn-energetıka sa­la­sy úshin salynyp jatqan mamandar daıyndaý jónindegi Eki­bas­tuzdaǵy 700 oryndyq aımaq­ara­lyq ortalyq oqý orny da aldaǵy qyr­kúıek aıynda stýdentter qa­byl­daı­tyn bolsa, qazan aıyn­da Jelezın aýdanynyń Myń­kól aýylynda 80 oryndyq jańa mektep paıda­lanýǵa beriledi dep kútilýde. Erekshe bir jańalyq – bıyl oblys ortalyǵynda hımııa-bıo­lo­gııalyq baǵytta bilim beretin 720 oryndyq «Nazarbaev zııatkerlik mek­tebiniń» qurylysy bas­ta­la­dy. Al densaýlyq saqtaý bas­qar­ma­synyń bastyǵy Ardaq Kú­zekovtyń baıandaýynsha, oblys­ta­ǵy Baıan­aýyl, Kenjekól, Besjan aýyly men qalaǵa jaqyn or­na­lasqan kent­te jańadan densaýlyq saqtaý nysandary salynatyn bol­sa, ob­lys­tyq mádenıet bas­qar­masynyń bastyǵy Qanat Ká­rimovtiń málim­deýinshe, shalǵaı­daǵy birneshe aýyl­dyń turǵyn­dary táýelsizdik merekesin jańa klýbtarda qarsy almaq, sondaı-aq qosymsha 31 aýyldyń klýb­­tary­na kúrdeli jóndeý ju­mys­tary júrgiziletin bolady. Bul kúnderi oblys ortaly­ǵyn­da halyqaralyq deńgeıdegi sport kesheniniń qurylysy júrip jatyr desek, onyń qurylysyn, bıznestiń áleýmettik saladaǵy jaýap­kershiligi aıasynda «QazMu­naıGaz» ulttyq kom­panııasy qar­jylandyrýda. Farıda BYQAI, Pavlodar.