Aq tilekter aǵyny

Memleket basshysy Nursultan Nazarbaevtyń atyna prezıdenttik saılaýda jeńiske jetýine baı­la­nys­ty sheteldik saıası jáne qoǵam qaırat­ker­lerinen qut­tyqtaý hattar kóptep kelip túsýde. Polsha Respýblıka­sy­nyń eks-prezıdenti Aleksandr Kvasnevskı óz ha­tynda Memleket basshysyn saılaýdaǵy tańǵalarlyq je­ńi­simen quttyqtaǵan. «Qa­zaq­standyq qoǵamnyń kóp­shi­lik bóliginiń qoldaýy Memleket basshysy qyzme­tin­degi Sizdiń jetistik­te­ri­ńizdi moıyndaýy bolyp ta­bylady. Bul sondaı-aq kelesi jyldar Sizdiń bas­shy­lyǵyńyzben Qazaqstan úshin odan ári damý men áleý­met­tik jáne ekonomıkalyq jetistikterdi nyǵaıtý kezeńi bolatynyna senim men úmit­tiń kórinisi bolyp sanalady. Men Sizdiń bilimińiz ben tájirıbeńizdiń arqasynda Qazaqstan keleshekte baı, anaǵurlym bilimdi jáne jasampaz qoǵamy bar zamanaýı memleketke aınalatynyna se­nemin. Zań ústemdigin ny­ǵaıt­qan, turaqtylyq ınstı­týttaryn qurǵan, erkin eko­nomıkany damytqan memleket tek Azııadaǵy ósý men progrestiń basty ortalyǵy ǵana emes, barlyq qurlyq úshin ustanatyn úlgi bola alady. Siz úshin mańyzdy da jaýapty osy kezeńde Sizge, Prezıdent myrza, myqty den­saýlyq, kúsh-qýat pen Qa­zaqstan halqy taǵy senip tapsyrǵan mıssııańyzdy oryndaýda tabandylyq tilegim keledi. Qazaqstan óz óńi­rinde jáne onyń syrtynda, sondaı-aq halyqaralyq uı­ym­dardyń qurylymdarynda erekshe ról atqaratyn el, turaqtylyqtyń kózi, dıalog pen yntymaqtastyqtyń or­ta­lyǵy bolyp tabylady. Mundaı belsendi qyzmet pen qoldaý halyqaralyq are­nada tanylýdy talap etedi», dep atap ótilgen A.Kva­snevs­kıdiń hatynda. Belgili nemis saıasatkeri Gans-Dıtrıh Gensher Memleket basshysyn prezıdenttik saılaýdaǵy senimdi jeńi­simen quttyqtaǵan. «Sizdiń Qazaqstan Respýblıkasy Pre­zıdentiniń qyzmetine qaıta saılanýyńyzǵa oraı shyn nıetti quttyqtaýymdy qabyl alyńyz. Men Sizge jáne Qa­zaqstan halqyna tabysty qoǵamdyq jáne ekonomı­ka­lyq damý tileımin. О́z eli­ńizde Sizge kórsetilgen úl­ken qoldaý demokratııalyq qoǵamdy tabysty damytýdy qamtamasyz etý úshin Sizge kúsh pen múmkindikter beredi. Qazaqstan Sizdiń prezıdenttik kezińizde edáýir progreske qol jetkizdi, bul eldi qoǵamdyq, ekonomıkalyq jáne ǵylymı salada damy­týǵa múmkindik berdi. О́tken jyly Sizdiń elińizdiń EQYU-ǵa tóraǵa bolýy Sizge jáne Sizdiń elińizge biz­diń qurlyqtaǵy beıbitshilikti damytýdy qamtamasyz etý úshin kórsetilgen ha­lyq­aralyq senim boldy», de­lingen G.Gensherdiń hatynda. Memleket basshysyn saı­laýdaǵy senimdi jeńi­simen Ujymdyq qaýipsizdik shart týraly uıymnyń bas hatshysy Nıkolaı Bordıýja quttyqtaǵan. «Sizdiń bas­shylyǵyńyzben qol jetkizilgen údemeli damý, or­nyqty ekonomıkalyq ósim, respýblıkanyń ishki jáne syrtqy saıasatyndaǵy aýqym­dy tabystar qazaq­standyq­tar tarapynan laıyqty ba­ǵa­syn aldy. Sizdiń UQShU qyzmetine, uıym aıasyndaǵy yntymaqtastyqty tereńde­týge kúsh-jigermen kórset­ken kómegińiz, Eýrazııalyq keńistiktegi turaqtylyqty nyǵaıtýǵa únemi nazar qoıyp otyratynyńyz úshin rızashylyǵymdy bildirýge ruqsat etińiz», delingen N.Bordıýjanyń hatynda. TMD úkimet basshylary keńesiniń janyndaǵy ınternasıonalıst jaýynger­ler isi jónindegi komıtet­tiń tóraǵasy, Keńes Oda­ǵy­nyń Batyry Rýslan Aýshev Memleket basshysyn saı­laý­daǵy senimdi jeńisimen quttyqtaǵan. «Búkil­ha­lyq­tyq daýys berý barysynda Sizge eldiń saılaýshy­lary­nyń basym kópshiligi kór­set­ken senim Qazaqstannyń ekonomıkalyq-áleýmettik saıası ómiri salasyndaǵy jańarýlar boıynsha Siz júrgizgen baǵytty qoldaý­dyń jarqyn kórinisi bolyp tabylady. Qazaqstandaǵy aıtarlyqtaı tarıhı máni bar ózgerister Sizdiń tikeleı esimińizben tyǵyz baı­lanysty jáne respýblıka azamattary onyń nátı­je­lerin laıyqty baǵalaıdy, olar eldiń tabysty, úde­me­li damıtynyna naqty senimdi. Internasıonalıst jaýyngerler isi jónindegi komıtet Sizge Qazaq­stan­da ómir súrip jatqan ás­ke­rı is-qımyl ardagerlerine turaqty kómegińiz ben qoldaýyńyz úshin árdaıym rıza», delingen R.Aýshevtiń hatynda.