Oblys ákimi Qyrymbek Kósherbaev 15 aqpanda ótken halyqqa esep berý kezdesýinde osylaı habarlady.
Ken oryndaryn qalpyna keltirý jumystary aıaqtalyp, «Shalqııa» qorǵasyn-myrysh ken ornynda taý ken baıytý kombınaty men gaz týrbınalyq elektrostansııany salý jumystary bastalady. Bul jobany júzege asyrý úshin Eýropalyq Bank arqyly rekonstrýksııalaý jáne damytýǵa nesıe alý maquldanǵan.
«Ferroqorytpa zaýyty boıynsha kúrdeli jumystar jalǵasýda. Jobanyń tehnıkalyq-ekonomıkalyq negizdemesi daıyndalyp, ınfraqurylymdary tartyldy. 2016 jyldyń 23 tamyzynda Varshava qalasynda atalǵan jobany júzege asyrý boıynsha polıak kompanııasymen yntymaqtastyq týraly kelisimge qol qoıyldy. Sonymen birge, Polshanyń Ulttyq banki jobaǵa shamamen 300 mln AQSh dollary kóleminde ınvestısııa salýǵa daıyn ekenin rastady», – dedi Qyrymbek Kósherbaev.