«Jadymda júrer sol jyldar...»

Nebári 24 jasynda komsomoldyq joldamamen Qazaqstandaǵy tyń jerdi ıgerýge kelgen taldyrmash orys qyzy eńbektegi de, ómirdegi de baqytyn Qazaq elimen baılanystyramyn dep kezinde oılamaǵan shyǵar. Alǵash sovhozda agronom, keıin komsomol jáne partııa qyz­metinde boldy. Jıyrma jyl aýpartkomnyń birinshi, obkomnyń ekinshi hatshysy, Qazaq KSR Joǵarǵy Keńesi Prezıdıýmy Tóraǵasynyń orynbasary qyzmetterin atqardy. Sosıalıstik Eńbek Eri. Eki ret Lenın, úsh ret Eńbek Qyzyl Tý ordenderiniń ıegeri atandy. Joǵarǵy Keńestiń depýtaty boldy. Jýyrda álemdegi eń kórnekti júz áıeldiń tizimine endi. Taıaýda sol aıaýly apamyz Vera Vasılevna Sıdorovamen jolyǵyp, suhbattasýdyń sáti túsken edi. – Vera Vasılevna, saılaýda qaı úmitkerge daýys berdińiz? – Árıne, Nursultan Ábishuly Nazarbaevqa. – Ol kisige ne maqsatpen daýys bergenińizdi bilýge bola ma? – Nursultan Nazarbaev – eń senimdi úmitker boldy. Sol kóńil-kúı­imdi, ózimniń yqylas-nıetimdi bil­dirip, Elbasyna jedelhat ta jol­da­dym. Sony oqyp bereıin be? – Árıne. «Qurmetti  Nursultan Ábishuly! Barsha qazaq­stan­dyq­tar úshin osy­naý este qa­larlyq aı­týly kúnde Sizdi barynsha laıyqty jeńi­sińiz­ben, egemendi Qazaq­stan­nyń Prezıdenti bolyp biraýyzdan saıla­nýy­ńyz­ben quttyqtaý múm­kin­digi tý­ǵa­nyn ózime úlken abyroı sanaı­myn. Sizdiń bar ómirińiz, eńbek jo­lyńyz respýblıkaǵa jáne onyń hal­qyna sheksiz berilgendikpen qyz­met etýdiń ónegesi bolyp taby­lady. Men ózimdi Sizdiń, súıkimdi de jú­regi jumsaq adamnyń, Qazaq­stan halqynyń laıyqty kóshbas­shy­­sy­nyń, búkil planetadaǵy bedeldi tulǵanyń qaramaǵynda ju­mys istegenim úshin baqytty sezinemin. Halyqtyń ómirin jaqsar­týǵa, el­diń qoǵamdyq, saıası ómirin jańar­týǵa baǵyttalǵan Sizdiń sara jo­lyńyzdy joǵary baǵalaı­myn. Siz uzaq ǵumyr keshýge, den­saýly­ǵy­ńyz­dyń myqty bolýyna laı­yqtysyz. Sálemmen, qurmetpen Vera Vasılevna Sıdorova». – Endi áńgimemizdi áriden tar­qatsaq. Elbasymen qaı kezden ta­nyssyz, alǵash kórgendegi piki­ri­ńiz degendeı... – Nursultan Ábishulyn sonaý 1961 jyldan bilemin. Qanshama ýa­qyt deseńizshi! Ol – metallýrg, men – agronom edim. Qazan qalasyndaǵy aýyl sharýashylyǵy ınstıtýtyn bitirip, qazaq topyraǵyna joldamamen kelip, alǵash agronom, sosyn ekonomıst, keıin komsomol, partııa qyzmetinde ótken ómir jolymdy ár kezeńge bóler bolsam, onda Elb­a­synyń jarqyn beınesi birge qosaq­talyp júredi. Nursultan Ábishuly jaıynda 1961 jyly alǵash ret shopandardyń respýblıkalyq birinshi sletinde estip, bildik. Slette baıan­dama jasaǵan sol kezdegi Qa­zaq­stan LKSM Ortalyq Komıtetiniń birinshi hatshysy О́zbekáli Jáni­bekov malshylar jaıly aıta kele: «Respýblıkada úzdik, aıtýly adamdar tek mal men aýyl sharýa­shy­ly­ǵynda ǵana emes, qurylysta da, saıasatta da bar. Bul joly jas metallýrg Nursultan Nazarbaevqa toq­tal­­ǵym keledi», dep, onyń úlken fotosýretin kórsetip, qol jetkizgen jetistigine toqtaldy. Nurekeń dom­na peshiniń janynda tur. Jas, jigerli, ádemi, janarynan ot shashady. Bizdiń de jas, albyrt kezimiz ǵoı, sýretke qyzyǵa qarap, sol jas me­tallýrgtiń ómirbaıanyn, onyń jetken jetistigin qaıtalaǵymyz, soǵan uq­sa­­ǵymyz keldi. О́mir de, ýaqyt ta ótip jatty. Nursultan Ábishuly kele-kele Qaraǵandy oblystyq partııa ko­mı­tetiniń hatshysy boldy. Sóıtip, dań­qy búkil respýblıkaǵa tarap ketti. Qostanaı oblysynda aýdandyq partııa komıtetin basqaryp turǵa­nym­da Nurekeń bizdiń óńirge Dımash Ahmetulymen birge dala qosyna, egis dalasyna kelip, halyqpen júz­des­keni bar. Ol kezde Nursultan Ábishuly Qazaqstan Kompartııasy Or­talyq Komıtetiniń hatshysy. Dı­me­keńe de, Nurekeńe de eńbekker­ler­diń yqylasy erekshe. Dala er­le­riniń eki ezýleri qulaqtaryna jetip, sonshalyqty meıirimmen qol berip amandasyp, emin-erkin sóılesip jat­ty. Árıne, ókinishke qaraı, búginde Dımekeń aramyzda joq, al halyq ózderiniń sol rııasyz kóńilin, kúl­ki­sin Nurekeńe áli syılap keledi. – Vera Vasılevna! Kópti kór­dińiz, el basqarýda da biraz tá­ji­rı­be jınaqtadyńyz, buıyrǵan jo­ǵary laýazymdy qyzmetterdi de atqardyńyz. Sonyń arqasynda siz­ge kezinde Memleket basshy­sy­men birge ju­mys jasap, is ba­ry­synda ara­lasý­ǵa múmkindik týdy. Sol sátterdi eske ala otyrsańyz... – Nurekeńmen Oral oblystyq partııa komıtetiniń ekinshi hatshysy kezimde etene jumys jasadyq. Ob­lysta qurylys materıaldary, sme­ta­lyq jobanyń qujattary, sonaý soǵys jyldary kóshirilip ákelingen eski zaýyttardy kúrdeli jóndeýden ótkizý sııaqty máseleler tolyp jat­ty. Árıne, sondaı isterdi sheshý úshin kimge barýym kerek edi? Árı­ne, Qazaqstan Kompartııasy Orta­lyq Komıtetiniń ónerkásip jónin­de­gi hatshysy Nursultan Ábishulyna bardym. Ol kisi aman-saýlyqtan soń birden: «Qandaı máselemen keldi­ńiz?» dep jón surasty. Mán-jaıdy aıtyp berdim. Nurekeń bar yntasyn salyp tyń­daý­­men qatar, ony qaǵazǵa túsirip otyr­dy. Sosyn qoldan kelgen kó­megin jasaıtynyn jetkizdi. Keıin osy má­sele jóninde ol kisiden jaq­sy qol­daý kórdim. Ekinshi ret Mınıstrler Keńesiniń Tóraǵasy kezinde ta­ǵy da jolyqtym. Maman­dy­ǵym ag­ronom, aýyl sharýashylyǵy qyz­metkeri bol­ǵandyqtan, baıqaı­myn, Oral oblysy boıynsha sońǵy on jyldyń astyq jónindegi kórset­kishin qara­ǵan kezde, memleketke as­tyq ótkizý jospary bir-aq jylda ǵana orynda­lypty. Qalǵan ýaqytta astyq ótkizý jospary oryndalmaı, sharýashy­lyq­tar shyǵynǵa batqan. Al onyń sebebi, jerdiń qunarly­lyǵy, aýa raıy sııaqty sebep-saldarlar du­rys eseptelmeı, jospardy arty­ǵy­men berip otyrǵandyqtan. Al men maman retinde osynyń bá­rine taldaý jasap, joǵary jaqqa dáleldeý úshin taǵy da Nursultan Ábishulyna bardym. Kelisti de súı­kimdi jas jigit otyrǵan ornynan tu­ryp, sypaıy qarsy aldy da, yqylas qoıa tyń­da­dy. «Sizdiń baıandama ha­tyńyzdy jiti qarap, múmkindiginshe kómektesýge tyrysamyz», dep jyly shyraımen shyǵaryp saldy. Nu­re­keń aıtqan sózinde turdy. Kelesi jyly oblys­taǵy egin sharýashy­ly­ǵyna qatysty jospardyń kólemi qysqardy, biraq men respýblıkaǵa jumysqa shaqy­ry­lyp, Joǵarǵy Ke­ńes Prezıdıýmy Tóraǵasynyń or­yn­basary bolyp taǵaıyndalyp, Al­matyǵa keldim. Ne nárse de salystyrmaly túrde baǵalanyp jatady emes pe? Soǵan qatysty myna bir jaıtty aıta ketkendi jón kórip otyrmyn. Qazaq­standy Kolbın basqaryp turǵanda mıǵa qonbaıtyn tapsyrmalardy beretin. Birde maǵan 1987 jyldyń kók­temine deıin respýblıka boıyn­sha barlyq turǵyn úılerdi jóndeý­den ótkizý kerek degen tapsyrma júk­teldi. Oılańyzshy, zań shyǵarý­shy ókimet qalaısha respýblıkanyń barlyq turǵyn úı qoryna jóndeý júrgize alsyn. Sodan birden Mı­nıs­trler Keńesi Tóraǵasynyń or­yn­basary A.F.Bashmakovqa baryp, jaǵdaıdy aıtyp túsindireıin dedim. Ol kisi azdap tákappar adam edi. Berilgen tapsyrmaǵa sonshalyqty jaýapkershilikpen qaraıtyn maǵan, Bash­makov turdy da: «Onda turǵan ne bar eken? Sonsha bir sheshilmeıtin problema dep tursyz ba?» dep daýsyn kóterip sóılegeni sol eken, ózim de túsinbeı qaldym, esimnen tanyp qulap túsippin. Bir kezde kó­zimdi ashsam Bashmakov: «Ne boldy sizge?» dep meni túrtkilep jatyr. Esimdi jıǵan soń yńǵaısyzdanyp «óz­im ketem» dep esikke qaraı bettedim be desem, basqa jaqqa ketip bara jatsam kerek, ol kisi jón siltep, kó­mek­shilerin shaqyryp, shyǵaryp saldy. Osylaı Bashmakovtan kóńil qal­dy. Endi ne isteımin? Densaýlyǵym túzelgen soń, osy máselemen Nur­sul­tan Ábishulyna kirdim. Ol kisi bolsa: «Vera Vasılevna, tap­syr­ma túsinikti, men burynǵy óndi­risshi retinde qurylys máselesin, onyń kólemin jaqsy bilemin, son­dyqtan bir nárse oılap tabarmyz. Al siz tu­raqty komıssııamen jumys jasap, búkil respýblıkadaǵy bar­lyq tur­ǵyn úı qoryn aralap shy­ǵýǵa tap­syrma berińiz. Ázirge qala­lardy qoz­ǵamaı-aq qoıyńyz. Selo­da­ǵy bar­­lyq turǵyn úılerdiń ishi de, syrty da jóndeletin bolsyn. Ol úshin ne isteý kerek ekenin, biz de qa­rap otyr­maı oılastyramyz», dedi. Mine, kór­dińiz be, Nazarbaevtyń qa­byl­daýy­nan tipten ózgeshe kóńil-kúı­de shyq­tym. Nursultan Ábish­uly qashanda maǵan qoldaý kórsetip otyrdy. Taǵy bir oqıǵanyń eske túsip otyr­ǵany. Qazaqstan Kompartııasy Ortalyq Komıtetiniń bıýrosy ótip jatty. Kolbın qolyna bir ýys qa­ryndash alyp, aýdarystyryp otyr­ǵan. Ony ermek etip otyrǵany azdaı, uıyqtap ketip qolyndaǵy qa­ryn­dashyn shashyp aldy. Prezı­dıým­daǵylar ony kórmegensip, tó­men qarap otyrysty. Al maǵan bas­shy adamnyń bul áreketi sonshalyq­ty ersi, uıat kórinip, óz sezimimdi jasyra almaı, sondaı bir jaman, kinálaǵan kózqaraspen jalt qara­dym. Sol kezde ekeýimizdiń kózimiz túıi­sip qaldy. Árıne, oǵan bul qy­ly­ǵym unaı qoımaǵanyn bildim. Men Dımash Ahmetulynyń, odan keıin Nurekeńniń bıýrony qalaı ótki­zetinin bilemin. Tyńdaı da biletin, kerek jerinde eskertýin de jasap otyratyn. Al Kolbın kimniń qalaı esep bergeninde sharýasy joq, oınap otyrǵan qolyndaǵy qaryndashyna ıe bolmaı, masqara boldy. Sol bıýrodan shyǵyp Joǵarǵy Keńestiń ǵımaratyna jetpeı jatyp Ortalyq Komıtetten telefonogramma kelipti. Onda Joǵarǵy Keńes Prezıdıý­my Tóraǵasynyń orynbasary men Mınıstrler Keńesi Tóraǵasynyń orynbasarlary endigi jerde bıýroǵa shaqyrylmaıtyny, olar tek ózde­ri­ne qatysty máseleler qaralǵanda ǵana qatystyrylatyny aıtylǵan. Taǵy bir aıtarym, bizder sessııa otyrystaryn, májilisterdi ótkiz­gen­de oǵan qatysatyn barlyq ob­lys­tyq atqarý komıtetteriniń tór­aǵa­laryn shaqyryp, Ortalyq Ko­mı­tettiń josparymen sáıkestendirip otyrýymyz kerek. Bul máseleni Kol­bınmen kelisý qashanda qıyndyq týǵyzatyn. «Kóremiz, kúte turyń­dar», dese, Nazarbaev: «Jaqsy, qa­zir otyrys bitsin, sosyn sizben ol máseleni qarastyramyz», deıtin. Kórdińiz be, ol kisimen jumys isteý jeńil, erkin, bar másele sheshilip, jumys beıbit, birqalypta júretin. – Elbasynyń qandaı qasıet­terin bóle-jara aıtar edińiz? – Nursultan Ábishuly – óte jigerli, batyl, tabandy, jankeshti. Ol – aqyldy. Ol – dana. Sondyqtan da jıyrma jyl úzdiksiz táýelsiz Qa­zaq­stanǵa basshylyq jasap otyr. Onyń esimi sonaý komsomol kezinen respýblıkaǵa belgili edi dedim ǵoı. Búkil el Nazarbaevtyń bar ekenin bildi. Jáne de respýblıka basshy­lary onyń bolashaǵynan úlken úmit kútetin. Ony búgingi kúni dáleldep otyr. О́zińiz oılańyzshy, eger ol kóregen, erik-jigeri myqty, óz isine senimdi bolmasa, Arqanyń tósine sondaı kórkem qala salar ma edi?!. Tek qazaqstandyqtardy ǵana emes, bar álemdi tańǵaldyryp otyr emes pe?! Al kezinde qandaı sózder aı­tylmady? Búginde Astana kúnnen kúnge qulpyrýda, halqynyń sany da ósý ústinde. Qazir elordamyzdy tórt­kúl dúnıe biledi. Sondyqtan keshegi ótken saılaýda qazaq­stan­dyq­tar óz daýsyn, óz tańdaýyn jasady. Nurekeń eńbeginiń laıyqty baǵasyn aldy. – Vera Vasılevna, jylda jilik, aıda aıaq joq degen. Baıqap otyr­sańyz biraz ýaqyt artta qal­ǵan sııaqty. Keıde óz ýaqytyn kú­tip jatyp aıtylatyn áńgime­ler bo­la­dy. Soǵan bir zer salyp kórińizshi... – Onyńyz ras. Bir jáıtti Nure­keńniń maǵan jasaǵan jaqsy­ly­ǵy­men qabystyryp aıtaıyn. Kolbın Qazaqstanǵa birinshi basshy bolyp taǵaıyndalǵan soń, kóp keshikpeı Joǵarǵy Keńestiń Tóraǵasy bolýǵa úmittenedi. О́ıtkeni, ol kezde elimizde de, odaqtas respýblıkalarda da eki joǵary laýazymdy bir adam ıelený sánge aınalǵan kez. M.Gorbachev ta eki qyzmet alyp otyrdy emes pe. Mine, Kolbın de solaı jasaǵysy keldi. Birde maǵan M.I.Esenálıev kelip: «Vera Vasılevna, eshqaıda ketip qalmańyz, Sizben Ortalyq Komıtetten sóılesedi», dedi. Sóıtti de ózin Kolbın shaqyryp alyp: «Sı­dorovany erterek zeınetke shyǵa­raı­yq, sen Qazaq KSR Joǵarǵy Ke­ńesi Tóraǵasynyń orynbasary, al men Tóraǵa bolamyn» deıdi. Ese­n­álıev bolsa: «Gennadıı Vasılevıch, munyń qajeti qansha. Ekeýmizdiń de shashymyzǵa aq tústi. Al Sıdorova demalysqa jiberetindeı zeınet ja­syna jetken joq. Ol bizden jıyrma jas kishi. Ekinshiden, Qazaqstan hal­qy, onyń ishinde zııaly qaýym qazaq emes ulttyń Joǵarǵy Keńestiń Tóraǵasy bolýyn kótere almaıdy. Onyń shet jaǵyn ózińiz jeltoqsan oqıǵasynan baıqadyńyz. Konstıtýsııada da solaı jazylǵan», deıdi. Sodan meni Ortalyq Komıtetke shaqyryp: «Densaýlyǵyńyzǵa ba­ı­la­nysty qyzmetten ketýge ótini­shi­ńiz­ben qosa, respýblıka basshyly­ǵyna, bıýroǵa osyndaı laýazymdy orynǵa qoıyp, senim bildirgenderine rıza­shy­lyǵyńyzdy bildirip ja­zyńyz», dedi. Al men densaýlyǵyma baıla­nys­ty qyzmetten ketýge esh sebep kó­rip turǵanym joq edim. Sosyn: «О́ti­nish jazamyn, biraq ba­symdy ıip, eshkimge rahmet aıtpaı­myn. О́ıt­keni, laýazymdy qyzmetke qoı­ǵan saıyn, qashanda qarsylyq bildirip keldim. Maǵan óz maman­dyǵym agronom bolý unaıtyn. Ja­nyma aýyl sharýa­shy­ly­ǵy jumys­ta­ry jaqyn edi. Qashanda saıyn da­lany ańsaıtynmyn. Eń bas­tysy, men or­yntaqqa sonshalyqty áýes­ti­gim joq adammyn. «Dinmuhamed Ah­metulyna meni Qostanaı obly­syn­da qal­dy­ryńyzshy», dep qansha ret ótindim. Tipti: «Osy ótinishimdi ákem retinde suraımyn», degende de, ol kisi: «Al men senen qyzym retinde ótinip tur­myn, qarsy bolmańyz», dep ákelgen edi. Sondyqtan meni qashanda jo­ǵary qyzmetterge mindettep, erkimnen tys qoıatyn. О́z basym eshqa­shan qyzmet, marapat armandaǵan adam emespin. Eger bul máseleni Qo­naev nemese Nazarbaev suraǵanda, jazar edim, al Kolbınge jazǵym kelmeıdi», dedim. Sodan óti­nishti Kol­bın­niń de atyna emes: «Ortalyq Ko­mıtettiń bıýrosyna» dep buryshtama jazyp: «Meni ju­mys­tan bosatýla­ry­ńyz­dy suraımyn», dep núk­te qoıdym. Kolbın oǵan deıin telefondap: «Vera Vasılevna, bizder bir-bi­ri­miz­ge kedergi jasap júrgen sııaqty emes­piz be?» degeni. «Men sizdi tú­sin­bedim. Eger men sizge kedergi keltirip júrgen bolsam, qazir-aq keteıin. Al siz maǵan qalaı kedergi kel­ti­rýińiz múmkin, ony túsinbedim. Unaý, unatpaý – ol basqa másele», de­dim. Onysy Joǵarǵy Keńestiń tór­aǵalyǵyn alsa, orynbasary da orys ultynan bolyp, sol jaǵynan qınap, kedergi keltirsem kerek. Úıge kelip, kóligimdi jibergenim sol edi, maǵan Ortalyq Komıtettiń ekinshi hatshysy M.Meńdibaev telefon soǵyp: «Vera Vasılevna, dereý jumysqa qaıtyp kelińiz», dedi. Al men: «О́tinishimdi jazyp kettim, endi qaıta bara almaımyn», dedim. «KOKP Ortalyq Komıteti sizdiń ketýińizben kelispepti, kelgenińiz jón. Qazir kóligimdi jibereıin, sizge Ortalyq Komıtetten telefon soǵýy múmkin», dedi. Kólik kelip turǵan soń amalsyz bardym. Kabınetti ashqanmen, ja­ryq­ty jaqpaı, esiktiń aldynda ar­ly-berli júrdim de qoı­dym. Shama­ly ýaqyttan soń esikti jaýyp, ketip qaldym. Kelesi kúni jumysqa keldim. Keıinnen estidim, bul iske N.Nazarbaev aralasypty. Biraq ol kisi maǵan osy jasaǵan jaqsylyǵyn aıtqan emes. Nurekeń meniń Gennadıı Vasılevıchke degen prınsıpshildigimdi baı­qap, keıde jy­ly kózqarasymen, keıde jymı­ǵan kúlkisimen, keıde qolymdy al­yp, qysyp, al keıbirde «myqty bol» dep sózimen qoldap otyrdy. – Vera Vasılevna, keıin Qa­zaq­stan Kompartııasynyń birinshi hatshysy bolyp Nursultan Nazar­baev taǵaıyndaldy. Sol kezde jıi aralasqan bolýlaryńyz kerek... – Onyńyz ras. Nursultan Ábish­uly birinshi hatshy kezinde jeti aı Joǵarǵy Keńeste tóraǵasyz qyzmet atqaryp, ol kisimen tikeleı arala­sýy­ma, kóptegen jaǵdaılardy aqyl­da­syp sheshýge týra keldi. Mine, sol ýa­qyt­tarda eshqandaı qolaısyzdyq, yńǵaı­syz­dyq sezingen emespin. «Nur­sultan Ábishuly, ári qaraı ne bolady? Tór­aǵa saılamaısyzdar ma? Maǵan máse­le­lerdi sheshý qıyndap barady», degende: «Vera Vasılevna, berilme­ńiz», deıtin kúlip. Tek jeti aıdan keıin Maq­taı Saǵdıevti Tór­aǵa etip saılady. Jýyrda bir nársege tańǵaldym. Mysaly, sol kezderi meniń respýb­lıkada tóraǵasyz jumys istegenimdi eshkim baıqaǵan joq. 2008 jyly 12 qańtarda BUU-nyń Qazaqstan­daǵy ókildigi Norvegııadan hat áke­lip berdi. Onda meniń ómirbaıanym­nan óz­derine qajetti birneshe máli­metter jazyp jiberýimdi ótinipti. Ony ne maqsatpen suratqanyn bilsem, álem­degi eń kórnekti áıelder jaıynda málimetter jınastyrýda eken. Sonda olar meniń sol jeti aı tóraǵasyz jalǵyz jumys istegen qy­z­metimdi basshylyqqa alypty. Kór­­dińiz be, syrt kóz qalaı baıqap, ba­qylap oty­rady. Al bıylǵy jyl­dyń naýryz aıynda meni BUU-nyń Qa­zaq­stan­daǵy ókildigi shaqyryp, «Sizdiń esi­mińiz álemdegi júz eń kórnekti áıelder tizimine kirdi» dep meni resmı túrde qabyldap, quttyqtady. – Vera Vasılevna, 8 sáýir kúni elimizde taǵy bir tarıhı oqıǵa ótkeli tur. Sol kúni Astanada ınaý­gýrasııa – ulyqtaý rá­simi bo­lyp, Elbasy ant beredi. Siz­diń tilegińiz? – Bul jeńis Nazarbaevtyń taza óz jeńisi. Halyqqa jasaǵan eńbek­tiń, tókken mańdaıterdiń qaıta­ry­my. Bir aıtarym, aldaǵy ýaqytta osy jigermen eldi basqarsa, onda halyq ta baqytty bolar edi dep oılaımyn. Árıne, qıyndyqtar ár jerde bar. Til jóninde de. Zeınet­aqy­ny ósir­gen­men, baǵa jep qoıyp jatyr. Al salys­tystyrmaly túrde qarasaq, burynǵy TMD elderi ara­synda Qa­zaq­stannyń shoqtyǵy bıik. Prıbaltıka zeınet­aqy­ny múldem alyp tas­ta­maq, Uly­brıtanııa zeı­net­aqyny qys­qartýda. Al bizde jyl saıyn ósýde. Jyldar qalaı jyljyp ótýde. Biraz jasqa kelip, artqa qaraǵanda men, men sııaqty aǵa býyn ókilderi ómir súrgen kezder búgingi ýaqyttan kún sanap alshaqtap barady. Maǵan sol jyldarymmen tynyshtyqta oty­ryp, tek esteliktermen ǵana ómir súrmeı, qazirgi urpaqtyń jetistigine, jeńi­si­ne kýá bolyp, qýanýǵa taǵdyr qos­qa­nyna da táýbe deımin. Meniń ómir jo­lymdy, Qazaq elimen, onyń búgin­gi Prezıdentimen baıla­nys­tyrǵan taǵ­­dyryma rızamyn. Iske sát, Nureke! – Áńgimeńizge kóp rahmet. Sizge de myqty densaýlyq, uzaq ǵumyr tileımiz. Táýelsiz Qazaqstannyń jemi­sin de, jeńisin de kórýge násip etsin. Suhbattasqan Gúlzeınep SÁDIRQYZY, Almaty.