Keshe Parlament Májilisiniń Tóraǵasy Oral Muhamedjanovtyń jetekshiligimen ótken bıýro otyrysynda zań jobalarynyń daıyndyǵy pysyqtaldy.
Qarjy jáne bıýdjet komıteti elimizdiń keıbir zańdaryna bıýdjet prosesinde memlekettik jáne bıýdjettik josparlaý jónindegi ýákiletti organdar kuzyretiniń arajigin ajyratý máseleleri boıynsha túzetýler engizýdi kózdeıtin zań jobasyn birinshi oqylymda qaraýǵa shyǵarýdy usyndy.
Zańnama jáne sot-quqyqtyq reforma komıteti elimizdiń keıbir zańnamalyq aktilerine halyqqa qyzmet kórsetý ortalyqtarynyń máseleleri boıynsha ózgerister engizýdi qarastyratyn zań jobasy depýtattar talqysyna shyǵarýǵa daıyn ekenin málimdedi.
Palatanyń Halyqaralyq ister, qorǵanys jáne qaýipsizdik komıteti birneshe halyqaralyq zań jobasyn usyndy. Zań jobalary Parlament Májilisiniń jalpy otyrysynyń kún tártibine engiziletin boldy.
«Egemen-aqparat».