2011 jylǵy 11 aqpan, Astana, Úkimet Úıi
Memlekettik mádenıet uıymdaryn attestattaýdy júrgizý qaǵıdasyn bekitý týraly
«Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańy 20-1-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Memlekettik mádenıet uıymdaryn attestattaýdy júrgizý qaǵıdasy bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 11 aqpandaǵy № 127 qaýlysymen bekitilgen
Memlekettik mádenıet uıymdaryn attestattaýdy júrgizý qaǵıdasy
1. Jalpy erejeler
1. Osy Memlekettik mádenıet uıymdaryn attestattaýdy júrgizý qaǵıdasy «Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańynyń 20-1-babynyń 3-tarmaǵyna sáıkes ázirlendi jáne memlekettik mádenıet uıymdaryn attestattaýdy júrgizý tártibin belgileıdi.
2.Memlekettik mádenıet uıymdaryn attestattaý (budan ári – uıymdardy attestattaý) olardyń negizgi qyzmetiniń tıimdiligin baǵalaý jáne materıaldyq, eńbek jáne qarjy kózderin utymdy paıdalaný, osy negizde olardyń jelileri men qurylymdaryn retke keltirý úshin ótkiziledi.
3.Uıymdardy attestattaýdy:
1) respýblıkalyq mańyzy bar uıymdardy – mádenıet salasyndaǵy ýákiletti organ;
2) jergilikti mańyzy bar uıymdardy – oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organdary (budan ári – jergilikti atqarýshy organ) ótkizedi.
Uıymdardy attestattaýdy ótkizý úshin mádenıet salasyndaǵy ýákiletti organ jáne jergilikti atqarýshy organ (budan ári - memlekettik organ) attestattaý komıssııasyn (budan ári – Komıssııa) qurady.
4. Komıssııanyń quramy men erejesin tıisti memlekettik organ bekitedi.
2. Uıymdardy attestattaýdy júrgizý tártibi
5. Uıymdardy olardyń salasy boıynsha júzege asyrylatyn attestattaý kezinde mynadaı kórsetkishter baǵalanady:
1) uıymnyń óndiristik-shyǵarmashylyq jáne qarjylyq qyzmeti: uıymnyń jarǵyǵa (erejege) sáıkes qyzmet etýi;
qyzmet salasy boıynsha uıymdarmen yntymaqtastyqty júzege asyrýy; uıym qyzmetkerleriniń kezeńdik daıyndyǵy men biliktiligin arttyrý; materıaldyq, eńbek jáne qarjy kózderin utymdy paıdalaný;
2) uıymnyń ákimshilik-basqarý qyzmeti: uıym qyzmetkerleriniń kásibı quramy;
memlekettik mádenıet uıymdary qyzmetkerlerin attestattaý nátıjeleri týraly málimetter;
3) uıymnyń materıaldyq-tehnıkalyq qamtamasyz etilýi: uıymnyń materıaldyq bazasynyń jaı-kúıi aktiler; uıymnyń tehnıkalyq jabdyqtarynyń jumys isteýi.
6. Uıymdardy attestattaýdy ótkizý kestesin (budan ári - keste) memlekettik organ 15 qańtarǵa deıin aǵymdaǵy kúntizbelik jylǵa bekitedi jáne attestattaýdy ótkizýge deıin úsh aıdan keshiktirmeı uıymdardyń nazaryna jetkizedi.
7. Kestege sáıkes attestattalýǵa tıis uıymdar attestattaý bastalǵanǵa deıin bir aı merzimnen keshiktirmeı memlekettik organǵa mynadaı qujattardy usynady:
1) uıymnyń óndiristik-shyǵarmashylyq jáne qarjylyq qyzmetiniń nátıjeleri týraly anyqtama (taldaý anyqtamasy jáne qarjylyq esep);
2) uıymnyń ákimshilik-basqarý qyzmeti týraly qujattardyń kóshirmeleri (buıryqtar, sharttar);
3) uıym qyzmetkerleriniń tegi, aty jáne ákesiniń aty, dıplom boıynsha mamandyǵy, jalpy eńbek ótili (sonyń ishinde osy uıymdaǵy), sondaı-aq biliktiligin arttyrý jáne attestattaýdan ótýi jónindegi málimetter kórsetilgen kásibı quramy týraly anyqtama;
4) uıymnyń materıaldyq-tehnıkalyq qamtamasyz etilýi týraly anyqtama.
Qujattarǵa uıymnyń birinshi basshysy nemese onyń mindetin atqarýshy tulǵa qol qoıady jáne mórmen bekitedi.
8. Barlyq memlekettik mádenıet uıymdary bes jylda bir ret attestattaýdan ótkiziledi.
9. Memlekettik organ usynǵan qujattar negizinde Komıssııa úıymdardy attestattaýdy kestege sáıkes árbir uıym úshin jeti jumys kúni ishinde ótkizedi.
10. Uıymdardy attestattaý nátıjeleri boıynsha eki jumys kún ishinde memlekettik organǵa joldanatyn jáne Komıssııa músheleri qol qoıǵan oń nemese teris qorytyndy resimdeledi.
11.Komıssııanyń sheshimi usynymdyq sıpatqa ıe.
12. Komıssııanyń uıymdy attestattamaý týraly teris qorytyndysyna mynalar negiz bolady:
1) uıymnyń tıisti jylǵa arnalǵan óndiristik-shyǵarmashylyq jospardy oryndamaýy;
2) ákimshilik-basqarý jáne qarjy qyzmetin júrgizý kezinde Qazaqstan Respýblıkasynyń zańnamasyn jáne uıynyń jarǵysyn (erejesin) saqtamaýy;
3) qyzmetkerler quramyndaǵy kásiptik sáıkessizdiktiń anyqtalýy;
4) uıymnyń materıaldyq-tehnıkalyq qamtamasyz etilýiniń qanaǵattanǵysyz jaǵdaıynyń anyqtalýy.
13. Memlekettik organ Komıssııanyń sheshimin alǵan kúnnen bastap on bes jumys kúninen aspaıtyn merzimde:
1) oń qorytyndy bolǵan jaǵdaıda – «attestattaý»;
2) teris qorytyndy bolǵan jaǵdaıda – «attestattamaý» týraly sheshim qabyldaıdy.
14. Attestattaýdan ótpegen uıym qaıta attestattalýǵa jatady. Komıssııanyń qorytyndysyna sáıkes anyqtalǵan kemshilikterdi uıym memlekettik organ sheshim qabyldaǵan kúnnen bastap alty aı ishinde joıady.
15. Qaıta attestattaý bastapqy attestattaý ótkizilgen kúnnen bastap alty aı ótken soń osy Qaǵıdada belgilengen tártippen ótkiziledi.
16. «Attestattalsyn» degen sheshimdi uıymnyń kemshilikterdi joıýy boıynsha Komıssııanyń oń qorytyndysy bolǵan kezde memlekettik organ qabyldaıdy.
17.Uıym kemshilikterdi joımaǵan jaǵdaıda Komıssııa qaıtadan teris qorytyndy resimdeıdi jáne Qazaqstan Respýblıkasynyń zańnamasyna sáıkes júktelgen mindettemelerin oryndamaǵany nemese tıisinshe oryndamaǵany úshin basshyny tártiptik jaýapkershilikke tartý týraly memlekettik organǵa usynys engizedi.
18. Memlekettik organ Komıssııanyń usynysy negizinde Qazaqstan Respýblıkasynyń zańnamasynda belgilengen tártippen tıisti sheshim qabyldaıdy.
19. Attestattalmaǵan uıym memlekettik organnyń qaıta attestattaýdan ótpegeni týraly sheshim qabyldanǵan kúnnen bastap bir jyl ótken soń osy Qaǵıdada belgilengen tártippen kezekti attestattalýǵa jatady.
3. Qorytyndy erejeler
20. Komıssııa óz qyzmetin memlekettik organ sheshiminiń negizinde toqtatady.
21. Memlekettik organ attestattamaǵan uıymdar Qazaqstan Respýblıkasynyń zańnamasynda belgilengen tártippen attestattalmaǵany týraly sheshimge shaǵym berýge quqyly.
22. Attestattalǵan jáne attestattalmaǵan uıymdar týraly aqparat tıisti memlekettik organnyń ınternet-resýrstaryna ornalastyrylady.