2011 jylǵy 28 aqpan, Astana, Úkimet Úıi
Qazaqstan Respýblıkasy Úkimetiniń 2008 jylǵy 31 jeltoqsandaǵy № 1331 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Jol-qurylys materıaldarynyń qaýipsizdigine qoıylatyn talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 31 jeltoqsandaǵy № 1331 qaýlysyna (Qazaqstan Respýblıkasynyń PÚAJ-y, 2008 j., № 48, 548-qujat) mynadaı ózgerister engizilsin:
kórsetilgen qaýlymen bekitilgen «Jol-qurylys materıaldarynyń qaýipsizdigine qoıylatyn talaptar» tehnıkalyq reglamentinde:
1-tarmaq mynadaı redaksııada jazylsyn:
«1. Osy «Jol-qurylys materıaldarynyń qaýipsizdigine qoıylatyn talaptar» tehnıkalyq reglamenti (budan ári - Tehnıkalyq reglament) Qazaqstan Respýblıkasynyń «Avtomobıl joldary týraly» 2001 jylǵy 17 shildedegi jáne «Tehnıkalyq retteý týraly» 2004 jylǵy 9 qarashadaǵy zańdaryna sáıkes ázirlendi.»;
34-tarmaq mynadaı redaksııada jazylsyn:
«34. Jol-qurylys materıaldarynyń árbir toptamasynda jáne (nemese) kólik quralynda «Býyp-túıýge, tańbalaýǵa, zatbelgi japsyrýǵa jáne olardy durys túsirýge qoıylatyn talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 21 naýryzdaǵy № 277 qaýlysyna sáıkes tańbalaý, sondaı-aq mynadaı qosymsha derekter bolýy tıis:
1) qujattardyń nómiri jene berilgen kúni (sapa pasporty, qaýipsizdik pasporty jáne (nemese) synaqtar hattamalary);
2) tutynýshynyń ataýy jáne mekenjaıy;
3) ónimniń úlgisi (markasy);
4) tabıǵı radıonýklıdterdiń menshikti tıimdi belsendiligi;
5) osy Tehnıkalyq reglamenttiń 21-tarmaǵynyń 5) tarmaqshasyna sáıkes fızıka-mehanıkalyq qasıetteri;
6) jumys aımaǵynyń aýasyndaǵy zııandy zattardyń quramy jáne atmosferalyq aýadaǵy, jer qyrtysyndaǵy, bettik jáne jerasty sýlaryndaǵy lastaýshy zattar quramynyń naqty deńgeıi jáne qospalar jónindegi aqparat ony óndiriske qoıǵan kezde ónimniń bastapqy toptamasymen naqty tutynýshyǵa, al odan ári óndirýde – daýly jaǵdaılarda – tapsyrys berýshiniń talap etýi boıynsha usynylady. Kórsetilsin aqparat tutyný ydysyna, ol bar bolǵan kezde tikeleı túsiriledi jáne (nemese), eger jol-qurylys materıaldary úıilip tasymaldanatyn bolsa, ilespe kujattarǵa engiziledi.»;
52-tarmaq mynadaı redaksııada jazylsyn:
«52. Osy Tehnıkalyq reglamentte belgilengen talaptardyń oryndalýyn qamtamasyz etetin úılestirilgen standarttardyń tizbesin tehnıkalyq retteý salasyndaǵy ýákiletti organ belgileıdi.»;
Tehnıkalyq reglamenttiń 3-qosymshasy alynyp tastalsyn.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.