Lıvııadaǵy saıası daǵdarys saldarynan týyndaǵan gýmanıtarlyq máselelerdi sheshý maqsatynda Qazaqstan BUU gýmanıtarlyq járdem úılestirý jónindegi basqarmasy, BUU bosqyndar jónindegi basqarmasy jáne Halyqaralyq kóshi-qon uıymy aıasynda qurylǵan tıisti halyqaralyq qorǵa qarjylyq úles qosty.
Qarajat Lıvııa halqyna gýmanıtarlyq kómek kórsetý jónindegi maqsatty baǵdarlamalarǵa, atap aıtqanda, qaýipsiz qozǵalysty jáne qonys aýdarýshylardy evakýasııalaýdy qamtamasyz etýdegi, sonymen qatar, aýmaqtaǵy gýmanıtarlyq uıymdardyń qyzmetine qoldaý kórsetýge arnalady.
Qazaqstan Lıvııadaǵy gýmanıtarlyq daǵdarysty eńserýge jáne shıelenistiń ýshyǵýyn tómendetýge baǵyttalǵan halyqaralyq qaýymdastyqtyń kúsh-jigerlerin qoldaıdy, dep habarlady SIM baspasóz qyzmeti.